عشان منتقبه _التاني

النقاب ده..
علي بعصبيه 
انا ما حبش العند بس ورحمة ابوكي لهتتجوزي خالد ولو حكمت اني اقطعلك كل النقابات بتاعتك هعمل كده ولو هو او اي حد من اهله رفض انك تلبسي النقاب انا هوافق ومش هتلبسيه تاني..
تقي پبكاء
حرام عليك هو بالعافيه انت اصلا مش من حقك تحرمني من حاجه بحبها..
زينب بضيق
الحاجه دي جيبالنا الكلام من اللي يسوا واللي ما يسواش يبقي بلاش منها احسن..
وقف علي وقال
انا قولت اللي عندي الراجل واهله هيجو يوم الخميس ويا ويلك لو عملتي حاجه مش علي مزاجي
_قال كلامه ومشي ودخلت تقي اوضتها وهي بټعيط وفي بيت خالد كان قاعد مع قمر اخته وناهد مامته وقالهم علي تقي..
قمر
ايوه هي فعلا جات عملت عندي اشاعه يا ماما وباين عليها طيبه وبنت ناس..
ناهد 
طيب حلوه يا قمر ولا شكلها ايه..
قمر
هي ما قلعتش النقاب قدامي يا ماما وو..
ناهد
نعم نعم يا اختي منقبه ليه يا ابني تعمل في نفسك كده..
خالد 
ايه اللي عملته في نفسي بس..
ناهد 
يعني كبيره في السن شويه وعديتها عشان برضو انت اكبر منها انما منقبه ومخبيه وشها انت عايز الناس تقول عليك متجوز واحده مش حلوه وعشان كده مخبيها..
خالد 
وانا مالي بالنااس هو انا هتجوز عشان اخد مراتي واخلي الناس تتفرج عليها انا عايز مراتي ليا لوحدي ما حدش يشوفها ولا يشوف جمالها غيري..
ناهد 
وانت هتضمن منين يا حبيبي انها حلوه اصلا..
خالد 
كفايه جمال روحها واخلاقها والشكل ده اخر حاجه يا امي انا طول عمري رافض الجواز وما صدقت جات واحده وشغلت القلب والباب..
قمر
خلاص يا ماما احنا اهو رايحين يوم الخميس ونشوف ولو خالد ما عجبتوش اكيد مش يتجوزها يعني ولا ايه يا خالد..
خالد
اكيد طبعا بس بلاش والنبي الكلام ده من البدايه بيقفل المواضيع قبل ما تتفتح..
ناهد 
اهو مش هتكلم بس كان مالهم بنات خلاتك ما كلهم زي القمر وتعليم عالي وصغيرين..
خالد 
ناهد انا داخل انااام ويا اتجوز اللي انا عايزها يا مش هتجوز خالص..
قال كلامه ودخل اوضته وقمر قالت
ماما ارجوكي بلاش جو الحموات ده من دلوقتي
ناهد پحده 
بقولك ايه يا مرات ابويا انتي مالكيش دعوه