عشان منتقبه _التاني

عشان منتقبه امي واخويا عملو فيا 
الثانيه
اتوترت تقي وزينب قالت 
احلف انت بتتكلم جد يا علي هو بجد عايز يتجوز اختك 
علي بهدوء 
ايوه يا ماما كلمني وقالي انه معجب باخلاقها وتربيتها وانها اختي وكده وعايز يجيب امه واخته ويجي وانا قولتله هبلغكم الاول وبعدين ارد عليه
تقي پخوف 
لا لا قوله ما يجيش ويجي ليه لا انا مش موافقه

زينب پحده 
انتي تخرسي خالص يا بت انتي قال مش عايزه اتجوز قال قولي يا علي هو دكتور بجد يعني
علي بسخريه 
لا دكتور تقليد يا ماما اكيد طبعا دكتور وكمان شاطر جدا ومن عيله محترمه وابن ناس والكل بيشهد باخلاقه
عايده بغيظ 
وواحد زي ده ايه اللي هيجيبه لتقي يا علي
زينب پحده 
انتي قصدك ايه بالكلام ده يا عايده هي تقي ينقصها ايه يعني عشان ما يجيهاش واحد زي ده واحسن منه كمان
علي 
ايوه يا عايده انتي قصدك ايه بالكلام ده ما تحفظي لسانك شويه
عايده بخبث 
يا جماعه انتو فهمتوني غلط ليه كده انا كل اللي اقصده انه باين عليه صغير ومش ناقصه حاجه يتجوز ليه واحده في سن تقي الا لو كان في حاجه ورا الموضوع مثلا في حاجه فيه مخليااه مش عارف يتجوز واحده مناسبه
اتملت عيون تقي دموع وعلي قال پحده
تعرفي تخرسي خالص ولو سمحتي اتفضلي علي شقتك وانا غلطان اصلا اني بتكلم قدامك..
عايده بغيظ 
عجبك كده يا تقي منك لله انتي منكده عليا ديما منك لاه حسبي الله فيكي يا شيخه..
ومشيت عايده وزعق علي في تقي
عجبك كده اهو انا مش عارف ارد عليها ولا تمك كمان بسببك..
تقي بحزن 
هو انا يعني كنت عملت ايه ده نصيب يا علي..
زينب 
لا عملتي وميلتي بختك بأيدك كان زمانك متجوزه لولا التكتيفه اللي عملاها في شكلك دي 
. 
تقي بدموع 
ده بدل ما تفرحو بيا اني محتشمه وماشيه علي نهج زوجات الرسول في لبسي وامور ديني..
علي پحده 
علي فكره انا بشوف بنات كتير محترمه جدا من غير ما تحط الهباب ده علي وشها وقولتلك انا وامك عايزه تلبسيه البسيه بس بعد ما تتجوزي..
تقي
انتو عايزين مني ايه دلوقتي انا مستحيل اقلع