جوزي طلع ابن 51 قلم الكاتبه رحاب القاضي

عارف علي ان مامته عملت كده لان ده نفس الكلام اللي كانت بتقوله من ورا ايمان، بس مرضيش يطلع مامته غلطانه وقال...

علي ـ
ولو برضو دي ست كبيره وقد امك، ولو امك عملت كده هتردي عليها...

ايمان ـ
ماما مش هتعمل كده عشان بتخاف ع مشاعري، ومن الاخر انا مش هنزل لمامتك تاني عشان انا عندي كرامه ولو انت فرضت عليا انزل يبقي من دلوقتي كل واحد يروح لحاله كفايه اووي لحد كده اللي حصل..

علي ـ
عايزه تطلقي ي ايمان، كل ده عشان امي اوديهالك فين بس..

ردت عليه ايمان بحزن ـ
مقولتلكش وديها اي مكان هي ليها شقتها وانا ليا شقتي، بس منزلش عندها وعند خالتك تاني...

علي بعصپيه  ـ
والله عال وكمان عايزه تقطعيني من امي ي ست ايمان...

ايمان بحزن ـ
مفيش فايده ي علي انا همشي وميهمنيش كلام الناس اللي هتقول مشيت من بيت جوزها قبل ما تكمل شهر، المهم عندي كرامتي وراحتي اللي فوق اي حاجه...

علي ـ
براحتك ي ايمان اللي عايزاه اعمليه انا بجد تعبت، بس انا ضحيت عشانك في الخطوبه وانتي لما جه دورك ما ضحتيش...

ـ عدي كام يوم وكانت ايمان عند بيت اهلها وكانت حزينه جدا ع اللي حصل وجوازها اللي مفرحتش ولا اتهنت بيه، وكان علي برضو مش كويس وڈم .ا مدايق وزعلان ع مراته اللي مشيت وسابته قبل ما يكملو شهر متجوزين، ونزل قعد عن مامته تاني عشان ميقعدش لوحده..

ـ وفي يوم كانت ام علي واختها ثريا قاعدين يجهزو الغدا في المطبخ...

ام علي ـ
انا حال ابني مش عاجبني، وبعدين ي ثريا..

ثريا بخبث ـ
خليه يطلقها ومتعمليش زيي كانت بسكت لـ مرارتات ولادي لحد ما ولادي في الاخر سابوني ومسالوش فيا..

ام علي ـ
معاكي حق انا هطلع اقوله يخلص الموضوع ده وانا اجيبله ست ستها..

ـ طلعت ام علي وكان علي قاعد في الصاله بيتفرج ع التلفزيون وهو مدايق، فـ قعدت جنبه وقالتله...

ام علي ـ
ده نصيب ي ابني متزعلش نفسك، وربنا يكرمك بـ الاحسن منها...

علي ـ
انا مش عايز الاحسن منها انا مش هطلق مراتي ي ماما..

ام علي بحده ـ
يعني اي هتكسر كلامي..

قام علي وقال لمامته لاول مره في حياته ـ
انا طول عمري بسمع كلامك وكنت لما بخطب وحده مش ع مزاجك وتقوليلي سيبها كنت بقول حاضر واستحملت ان الناس تقول عليا ده ابن امه، بس لحد مراتي انا مش هسيبها لانها معملتش حاجه وچشه معاكي ي ماما، وع فكره انا عمري ما هسيبك ولا هرميكي وبلاش تسمعي كلام خالتو اللي فاكره كل الناس زي ولادها، عشان لو مين قالي ارمي امك وسيبها انا مستحيل اعمل كده...

ـ سابها علي وطلع وفضلت مامته تبكي وندمانه ع اللي عملته، وكان كلام علي فوقها ع اللي عملته فحياة ابنها وانها كانت هتخربله بيته.

ـ فتحت ايمان باب بيت اهلها اللي كان بيخبط ولقيت علي قدامها، فأدايقت وجات تقفل الباب تاني بس هو قالها بسرعه..

علي ـ
انا اسف حقك عليا، ارجعيلي ي ايمان وانا والله هعملك كل اللي اتفقنا عليه الاول وده اللي قولته لامي وانك مش هتنزلي ولا هتروحيلها غير براحتك...

ايمان ـ
واي بقي اللي غير كل ده؟..

علي ـ
انا عايز مراتي ترجع وعايز اكمل حياتي معاها، اي عندك اعتراض...

ضحكت ايمان وردت عليه وقالت ـ
لا طبعا تعالي ادخل، احمد اخويا جوه اقعد معاه لحد ما اجهز واجيلك..

علي ـ
ماشي ي حبيبتي وربنا يخليكي ليا وميحرمنيش منك...

ــــــــــــــــــــــــــــــــــــــــ

ـ وفي الاخر ي اخواتي ياريت لما نحب حد منتدخلش في اختيارته ونتحكم فيها، احنا من حقنا نخاف عليه ونحبه بس منمتلكوش، ولازم نسيبله حريته في اختيار حياته عشان منخسروش او نسببله مشاكل...