جوزي طلع ابن 51 قلم الكاتبه رحاب القاضي

جوزي طلع ابن امه3

ـ دخلت ايمان ورا علي الشقه وقفلت الباب، لقيته قاعد مدايق وعرفت انه زعلان من تصرف احمد اخوها بس طنشت تكلمه لانها هي كمان زعلانه من اللي حصل انه اخدها تحت عند مامته وسابها ومشي وكمان انها تطبخ وتنضف المطبخ كل ده من تاني يوم جواز ليها...

ـ دخلت اوضتها وكانت لسه هتطلع هدوم عشان تاخد شاور، دخل علي وزعق فيها وقال...

علي ـ
شايفه اخوكي وتصرفاته؟..

ايمان بهدوء ـ
لا مشوفتش، ماله اخويا بس دايقك في اي؟...

علي بڠيظ ـ
يعني دي طريقه يتعامل بيها معايا، هو رافض الجوازه صح؟..

اتنهدت ايمان وردت عليه ـ

علي ـ
لا والله وهو ده ينفع احنا بقينا اهل...

ايمان بحده ـ
بقولك اي ي علي احمد اخويا كده وهو حر وانا ما اجبرتكش تكلمه ولا تهتم يكلمك ولا لا، وبعد اذنك سيبني اخد شاور واغير هدومي دي وانام...

علي بهدوء ـ
طيب خلاص متزعليش انا بس كنت بتكلم معاكي، وبعدين اي هنام دي، ع فكره لسه الساعه تسعه واحنا عرسان جداد..

بصتله ايمان من فوق لتحت وردت عليه وقالت ـ
ايوه عادي ابقي عروسه جديده وانام بدري من الساعه تسعه، ما انا عروسه جديده برضو ودخلت المطبخ طبخت ونضفت وروقت مسمعتلكش صوت وقتها...

علي ـ
محدش قالك تدخلي المطلخ ولا تعملي حاجه..

ايمان ـ
لا والله وخالتك ومامتك لو مكنتش دخلت المطبخ وجهزت العشا مكانهم كانو هيسكتو اذا كانو طول القعده عمالين يلمحو ان الجهاز بتاعي مش عاجبهم ومش عاملين اي حساب لـ مشاعري، وانت عامل فيها مش واخد بالك...

علي بتوتر ـ
ط طيب وانا اعمل اي عايزاني اتخانق مع امي ي ايمان، لا بجد حړام عليكي...

ايمان بضيق ـ
انا لا قولتلك قول حاجه ولا اعمل حاجه، اللي بيعمل ويقول بيبقي من نفسه، بس ياريت متفرضش عليا انزل عند مامتك او لا، او اعمل حاجه هناك او لا...

علي بهدوء ـ
حاضر اللي يريحك ي ايمان، ممكن تاخدي الشاور وتيجي تقعدي معايا شويه قبل ما تنامي...

اتنهدت ايمان وردت عليه بهدوء ـ
حاضر ي علي شويه وهاجي وراك...

علي ـ
تسلميلي ي حبيبتي ربنا ميحرمنيش منك...