جوزي طلع ابن 51 قلم الكاتبه رحاب القاضي

علي بقلق رد عليها وسألها ـ
مالها بس ايمان ي ماما عملت اي؟..

ردت عليه خالته ثريا وقالت ـ
دي بترد ع امك الكلمه بـ كلمه ي علي...

سكت علي وادايق، فكملت ام علي وقالت ببکاء..

ام علي ـ
دي كل اللي في نيتها تاخدني منك، نازله من فوق وناويه ع الشر عشان تخليك تبطل تنزل عندي...

ثريا بخبث ـ
معلش ي اختي ي حبيبتي نصيبنا كده انا وانتي مع مرتات ولادنا...

ام علي بحزن ـ
بقي كده ي علي بعد ما ربيتك لوحدي وشقيت عليك، هتعمل زي ولاد خالتك وترميني عشان مراتك،هتعمل كده في ماما حبيبتك..

علي بكل حزن رد عليها ـ
لا طبعا ي ماما انتي عندي بـ الدنيا...

ـ كانت ايمان واقفه عند الباب وسمعت كل ده، وطلعت شقتها وفضلت ټعيط  وبعدين لقيت موبيلها بيرن وكان احمد اخوها...

ردت عليه وهي بټعيط  وقالت ـ
احمد كويس انك كلمتني..

قلق احمد جدا لما سمع صوتها وقال ـ
مالك ي ايمان بټعيط ي لي ي حبيبتي..

ـ حكتله ايمان اللي حصل وهي بټعيط ، وهو ادايق جدا ع اللي بيحصل لاخته، بس رد عليها بهدوء عشان متحصلش مشاكل وهي لسه مكملتش شهر متجوزه...

احمد ـ
بصي ي ايمان هما ضحكو علينا قالو كلام وبعد الجواز طلع كلام تاني...

ايمان بحزن ـ
طيب انا اعمل اي بس ي احمد؟...

رد عليها احمد ـ
كلمي جوزك هو مش انتي متجوزه راجل وهيعرف يصون كرامتك، قوليلو اللي حصل وقوليلو انك مش هتنزلي عند مامته تاني وفي نفس الوقت تخليه هو ينزل لان دي امه وربنا وصا بطاعت الوالدين..

ايمان بهدوء ـ
ربنا يخليك ليا ي احمد، وابقي تعالي اقعد معايا شويه..

احمد ـ
ان شاء الله ي قلب اخوكي مع السلامه..

ـ قفلت ايمان مع احمد وبعد شويه جه علي وهو مدايق ومتعصب جدا واول ما دخل زعق فيها وقال..

علي ـ
اي اللي انتي عملتيه مع امي ده ي ايمان، هي دي الامانه اللي وصيتك عليها يوم فرحنا..

ايمان بضيق ـ
انا قدام ربنا معملتلهاش حاجه وعارفه اني لو قولتلك كده انت مش هتصدقني ولا هتصدق انها طردتني واهانتني وقللت من كرامتي عشان الجهاز اللي مش عاجبها..