ملاكي البرئ٢ _بقلم رحاب القاضي

_عدي اكتر من اسبوع، وكانت ملك بتروح المدرسه وحدها والسنتر كمان واتعرفت اكتر ع مها صحبتها اللي بقيت قريبه منها، وكانت مبتروحش المطعم خالص خايفه تشوف الولد اللي دايقها تاني هناك..

_وفـ يوم خلصت الدرس بتاعها فـ السنتر ومامتها رنت عليها..

ردت ملك._
ايوه ي ماما..

اميره _
خلصتي الدرس ي حبيبتي؟..

ملك._
ايوه من. شويه ومها كانت معايا بس راحت لصحابها..

اميره _
ماشي ي حبيبتي بس تعالي عندي المطعم هنخلص ونمشي سوااا..

ملك _
مش عايزه اجي المطعم ي ماما..

اميره _
احنا اتفقنا ع اي ي ملك نواجه خوفنا فاهمه، ويلا مستنياكي..

_قفلت مع مامتها وبعدين وقفت تاكسي وقالتله العنوان بهدوء، واتبسطت انها اتحسنت شويه الفتره اللي عدت دي..

وصلت بعد شويه ودخلت المطعم وهي بتبص حواليها بخو.ف لتشوفه وشافت عرفه اللي شغال هناك..

ملك _
عرفه هي فين ماما؟..

عرفه _
اي ده انتي جيتي بسرعه لي، المهم استنيها هنا وانا هجيبلك العصير من ما تشربيه تكون هي خلصت..

ملك _
حاضر ي عرفه وشكرا هتعبك معايا..

_قعدت وطلعت روايتها وفضلت تقرأ باندماج فيها، دخل فالوقت ده محمود وفضل يدور عنها وسط القاعدين هناك، هو بقاله اكتر من اسبوع كل يوم يجي يدور عنها وبيتمني يشوفها..

خد باله منها وهي قاعده عن الترابيزه جوه وبتقرا فالكتاب اللي فايدها وسرحانه فيه، فراح بسرعه وقعد قدامها..