ملاكي البرئ٢ _بقلم رحاب القاضي

مم مش ققااادرره يي ماما..

مسكتها اميره جامد من كتفها وقالت _
لا هتقدري هو مش هيعمل حاجه فيكي، اجمدي كده عشان انا محتجالك تبقي قويه جنبي..

احمد بزعيق وهو فالصاله _
بت ي ملك هاتيلي مااايه احط فيها رجلي بسرعه..

اميره بصوت واطي _
ردي عليه يلاا..

ملك وهي بتمسح دموعها _
حح حاضر..

_مسكت الحله الكبيره اللي فيها مايه واخدت الفوطه وطلعت عنده، كانت بتتنفض حرفيا من الخو.ف حتي المايه كانت هتقع منها اكتر من مره..

حطتها قدامه وقالت _
اتفضل...

جات تقف فقالها احمد._
قلعيني الجزمه..

قعدت ملك ع الارض ومدت ايدها اللي بتترعش وحاولت تفك الحزمه بس توترها خلاها متعرفش..

فذقها احمد برجله جامد وزعق فيها بعصبيه _
ساعه تفكي فيها ي خايبه، ده انتي اللي قدك معاهم عيال ي خايبه..

فضلت تبكي جامد وهي بتتنفض، فجات اميره بسرعه وحطت الاكل ع الترابيزه..

وقربت من ملك وقالتلها _
هي بس متوتره عشان عندها امتحانات، روحي بنتي ذاكري، وانا ي احمد هعملك كل اللي عايزه..

_ دخلت ملك بسرعه اوضتها وفضلت تبكي جامد، وهي خايفه اووي وبعدين مسحت دموعها، ووقفت فالشباك وهي بتبص للسما..

وقالت ملك وهي بتعيط_
انا مش ضعيفه ومش هخاف، انا هنزل الشارع لوحدي واشتري حاجات لوحدي انا هيبقي عندي صحاب وهحب وهتجوز وهخلف اولاد وهذكرلهم واوديهم المدرسه ومش هخليهم يخ.افو من حاجه..

_فضلت تقول كده كتير وبعدين دخلت ونامت..