ملاكي البرئ٢ _بقلم رحاب القاضي

رفعت راسها  وكانت فاكراه مامتها، بس اتص.دمت لما شافته هو..

اتوترت جامد وايدها بدأت تتنفض وسألته _
ااانت تت تاني..

رد عليها بهدوء _
ايوه انا تاني،مع حضرتك المهندس محمود البدري مدير ادارة شركة البدري للانشاءات المعماريه..

بصت ملك حواليها بقلق _
قوم لل لو سمحت..

محمود_
ي نهار ابيض انتي عايزاني اقوم ده انا مصدقت لقيتك هنا، ي شيخه ده انا بقالي اسبوع باجي كل يوم بالليل وبالصبح ادور عليكي..

اتكسفت اكتر واتوترت _
وتدور عع عليا لي؟..

محمود _
عشان اتعرف عليكي مانا قولتلك المره اللي عدت قبل متسبيني وتمشي...

ملك ببراءه _
كده غغ غلط ع فف فكره مم مكن تقوم..

افتكرها متوتره عشان كده بتهته فقال _

يالهوي كل ده كسوف مني، هو انا بوترك اووي كده؟.

جات تقوم فمسك ايدها بسرعه _

ملك _
لي؟..

محمود _
هو اي اللي لي؟..

سحبت ايدها منه وهي بتدور ع مامتها _
لل لي عع عايز تت تعرف كل دد ده؟...

حس محمود بطرقتها الغريبه فالكلام بس طنش ورد عليها _
والله لما الواحد بيشوف حد جميل وزي القمر بيكون عايز يتعرف عليه..

اتكسفت جامد ووشها حمر وهي بتبص للارض، فابتسم وقالها _
طيب انا هسالك وانتي ردي ع مهلك، اسمك اي؟..