جوزي اتجوز طليقة اخويا
انت في الصفحة 1 من 6 صفحات
عشان ما بخلفش جوزي اتجوز طليقة اخويا وجبهالي البيت
قبل ما نبدأ حكايتنا اعرفكم علي بطلتنا النهارده واللي اسمها ملك وعندها 30 سنه ابوها وامها قابلو وجه رب كريم وما عندهاش غير اخ واحد متجوز وهي متجوزه وبتحب جوزها جدا وفي يوم...
كانت قاعده وقالت لجوزها
محمود ابن عمك ربنا رزقه بتوأم..
حسن
ملك بحزن
وايه اللي هيزعلني انا زعلانه عشانك يا حبيبي مش عارفه حتي افرحك بحتت عيل..
حسن
انتي فرحتي وكل حياتي يا ملك ما تزعليش انتي وربنا كبير وقادر يتم شفاءك وتخلفي..
والباب خبط وقامت فتحت وكان عماد اخوها اللي دخل قعد وقال وهو زعلان..
انا هبات هنا النهارده عندكنم وبكره هسافر..
ملك
في ايه مالك داخل حامي كده ليه هو انت متخانق مع ريهام
عماد
ايوه وخلاص طلقتها والهانم اخدت مني الشقه عشان انا متخلف ووثقت فيها وكتبتها باسمها
ملك
نهارك اسود ازاي تعمل حاجه زي دي
عماد
مراتي ووثقت فيها بس مطلعتش قد الثقه واخدت كل حاجه وسبتني علي الجديده
اشوف فيكي يوم يا ريهام اشوف فيكي يوم طيب وانت ناوي تعمل اي هتسكت
عماد
هعمل ايه يعني كدا كدا كنت كتباها قايمه ب مليون جنيه كنت هجبهملها منين خلي الشقه تشبع بيها
ملك
معلش يا حبيبي ربنا يعوضك باللي احسن منها متزعلش نفسك والحمدلله انها ظهرت علي حقيقتها
عماد
الحمدلله يا حبيبتي
ملك
قوم نام شويه الاوضه جوه فاضيه وابقا اصحيك علي العشا
ماشي بعد اذنكم
وبعدها قام حسن ودخل البلكونه وطلع التلفون
حسن
الو عملتيها ازاي يابت المجانين
ريهام
عيب عليك دا انا ريهام ولما بقولك علي حاجه هعملها يبقا هعملها
حسن
لا عفريته مبسوط منك عقبال باقي المهمه ويلا سلام دلوقتي عشان ملك متنادي سلاام
ملك
يااا حسن هفضل انادي عليك كدا مترد
حسن
معلش يا لوكه كنت في البلكونه وحاطط السماعه في ودني معلش
ممم طيب انزل هاتلي طلابات بقا عشان احضر العشاء
حسن
ليه ما التلاجه مليانه جوه عايزه اي من تحت
ملك
ماشي انا مقولتش انها فاضيه محتاجه سمن وزيت ومحتاجه شويه حاجات تاتي مش محتاجه اكل محتاجه مكونات الاكل
حسن
اوك يا ملك هلبس ونازل اهو
ملك حضنته
ربنا يخليك ليا انا عارفه اني تعباك معايا معلش
ماشي اوعي بقا عشان البس
ملك
ماشي يا حبيبي
ونزل حسن ورن علي ريهام عشان تنزل ويقعده مع بعض في اي مكان
حسن
ايوه يا حبيبتي انا مستنيكي فالمكان بتاعنا متتاخريش
ريهام
حاضر يا حبيبي اديني نازله اهو
ووصلت ريهام للكافيه اللي بيقعدو في دايما وقامت حضنت حسن اول ما شافته
ريهام
وحشتني اوي يا حسن خلاص الحاجز اللي كان بيني وبينك اهو راح خلاص دلوقتي مفيش حاجه تقدر تفرقنا عن بعض
حسن
واخيرا يا حبيبتي ربنا يجمعنا علي خير بس انتي كدا ناويه تعملي ايه
ريهام
ناويه اطلق بقا رسمي عند محامي انا خلاص مش عايزه حاجه منه هو اصلا محلتوش حاجه مش نعاه غير الشقه وانا اهو اخدتها منه ههههههه
حسن
مش ساهله انتي برضو يا ريهام ويتخاف منك
ريهام
انا يبني ربنا يسامحك دا انا حتي غلبانه يعني مجرد شقه اخدتها منه مرضتش بقا اطلب القايمه بتاعتي صعب عليا محلتهوش غير هدومو
حسن
ههههههه طيبة قلبك دي هي اللي محبباني فيكي
ريهام
حبيبي المهم هتعمل اي مع ملك كدا طلقها امتا
حسن
لا يا حبيبتي احنا متفقناش اني اطلق ملك بالاضافه ملك مش مقصره معايا في حاجه فا فين الحجه اللي هطلقها بيها
ريهام
انها مبتخلفش ودي تكفي
حسن
دا مخترتهوش ب اديها ودا يديني الفرصه اتجوز عليها عادي مش اطلقها انا كدا راجل ندل يرضيكي اكون راجل ندل
ريهام
تؤ تؤ لا ميرضنيش خلاص موافقه نتجوز وهي مراتك بس اخلص شهور العده بتاعتي وابقا بتاعتك يا ابو
