جوزي اتجوز طليقة اخويا

عليكي
ملك
ابقا قولي قبلها عشان اعمل حسابي وحضر فرحك بلا نيله
وقامت ملك عشان تلم الاكل وتغسل الاطباق وحسن دخل الاوضه وكالعاده بيتكلم مع ريهام وبيخطط هيعملو اي
وبعد يومين جه علي بيت حسن مندوب من محكمة الاسره وخبط عالباب فتحت ملك الباب
ملك
ايوه تحت امرك
المندوب
مش دا بيت الاستاذه ملك
ملك
ايوه حضرتك خير في ايه
المندوب
كنت محتاج اخو حضرتك علشان يمضي علي ورق الطلاق دا
ملك
مممم طيب لحظه هناديه
ودخلت ملك تنادي عماد وتقولو كلم في حد عايزك بره
عماد
خير ان شاء الله..
وطلع عماد عشان يكلم المندوب
عماد
ايوه يا باشا اؤمرني
المندوب
ممكن حضرتك تمضي علي الورق دا
عماد
ورق ايه دا
المندوب
دا ورق طلاق من الاستاذه ريهام السيد ياريت ياا استاذ تمضي عليه
عماد بحزن 
تمام ..
وبعدها مضي عماد وهو كله حزن وراح حضڼ اخته
ملك
متزعلش نفسك يا خويا اللي زي دي ميتزعلش عليها
عماد
انا قدمتلها كل حاجه يا ملك انا معملتش معاها حاجه وحشه دا انا حبيتها وأمنتها علي كل حاجه تخصني واخرتها تاخد كل حاجه مني وتمشي وتسيبني لا انا زعلان بجد يا ملك زعلان ومكسور اويي معقول دي البنت اللي انا حبيتها وضحيت بعمري عشانها معقول دي اللي فضلت ليل نهار اشتغل عشان اقدر اتجوزها والله ما عملت معاها اي شي وحش والله
ملك
ربنا هيعوضك باللي احسن منها يا حبيبي ربنا كريم واكيد كانت شړ ليك عشان كدا بعدها من طريقك
عماد
شړ ليا يا ملك وشقتي وشقي عمري كان شړ ليا في ايه بيتي اللي بنيتو من عرقي ومن تعبي كان شړ في ايه يا ملك بعد ازنك سيني انا نازل اتمشي لواحدي شويه
ملك
لا مش هسيبك تنزل وانت في الحاله دي مش هسيبك لا
عماد
سبيني يا ملك بالله عليكي انا تمام
ونزل عماد يتمشي وقعد علي الكورنيش وفضل يعيط وفجاه واحده كانت قاعده جنبه بټعيط هي كمان
عماد
انتي يا استاذه روحي عيطي بعيد عني انا مش ناقص بالله عليكي
البنت 
ايدا انت مين وبتكلمني كدا بتاع ايه
عماد
انا مش حد يا ستي صوتك عالي مش عارف اتنكد براحتي
البنت
علي فكره انت اللي جيت جنبي مش انا اللي جيت جنبك لو مفروض حد يمشي فا هو انت
عماد
انتي بتكلميني كدا ليه ثم امسحي بس بربورك اللي نازل من مناخيرك دا وبعد كدا كلميني بالاطه اللي انتي فيها دي
البنت
تصدق انك مش محترم وااا
عماد قبل ما تخلص كلامها
ششششش انا هموم الدنيا كلها فيا بالله عليكي سبيني في حالي وشوفي نفسك رايحه فين عموما انا اسف علي قلة زوقي
البنت
ممكن اعرف مالك شكل الحال من بعضه متخزوق صح .. اممم طلام سكت كدا يبقا متخزوق
عماد
خازوق مغري وانتي الصادقه
البنت
باين عليك ههههه
عماد
هنهزر
البنت
مش قصدي والله بس باين عليك ان الايد كانت تقيله عليك
عماد
علي فكره انا مش متخزوق من واحده كنت شاقطها مثلا دي مراتي وضحكت عليا ومن كتر حبي فيها كتبتلها كل حاجه املكها بأسمي وفالاخر رفعت عليا قضيه عشان تطلق
البنت
اااخ لا بتوجع بصراحه انت عايش ليه لدلوقتي ما تقوم يبني ارمي نفسك في النيل دا
عماد
طيب ما تقوليلي انتي اي اللي مخليكي بټعيطي كدا ممكن نرمي نفسنا احنا الاتنين في النيل حتي نونس بعض في جهنم
البنت
انا يا سيدي ابويا اللي مخليني اعيط كدا جحوده وقسوتو عليا وعلي امي خلتني امشي في الشارع اعيط ومش عارفه مفروض اعمل اي ولا اروح فين تعبت من تعبه لينا تعبت وحاسه بقلة حيله جامده اوي وعارف احساس ان كل الاماكن رفضاك وكل الاماكن لا تسيعك عارف شعور انها متقفله في وشك من كل حته اهو هو دا