اتجوزني ڠصب عنه
بس معايا..
_ ودخلت مريم وسعيد معاها وكان بيت بسيط وفي اتنين ستات قاعدين وهي قالتلهم..
فتحيه
دي مريم بنت عمي والاستاذ جوزها هنطلع شقتي فوق اضايفهم وياخدو واجبهم وينزلو..
ردت واحده منهم وقالت
ينورونا يا فتحيه بس عشنا وشوفنا ليكي قرايب انتي ما كانش حد بيعبرك غير الراجل اللي ما يتسمي اللي اسمه اسماعيل..
مش وقته الكلام ده يا لواحظ تعالي يا بنت عمي اتفضل يا استاذ..
_ وطلعو وقعدو مع فتحيه فوق وسعيد سألها وقال..
سعيد
شكلك تعرفي الحج اسماعيل اووي..
فتحيه
ايوه ده راجل غلباان اووي ومش بتاع مشاكل والحوار ده كله متلفقله..
سعيد
اومال كان بياخد العيال في عربية اسعاف كل يوم ليه ومش اي عيال دي العيال اللي بتسرح علي باب الله..
كان شغال مع واحد اسمه حميد. كان بياخد العيال ويخليهم يشحتو في المستشفيا ت..
مريم
طيب وايه علاقة حميد ده بالحج اسماعيل اصلا..
فتحيه
الحج اسماعيل ليه بنت واحده متجوزه في الشرقيه بس بنت مش كويسه رفضت تساعده او حتي تقعده عندها وهو فضلت يدور علي شغل فحميد قاله يشتغل سواق عربية اسعاف...
مريم
وبعدين كملي..
اسماعيل كان بياخد العيال ويخليهم يشحتو في المستشفيات كان بيجمعهم اول الليل والفجر ياخدهم وبعد ما يخلصو يرجعهك بس يتبقي العيال ما بتتكلمش..
مريم
انتي عرفتي كل ده منين هو اللي كان بيقولك...
فتحيه
الحقيقه جوزي من لما سافر وانا بحتاج مصاريف وهو مش بيبعتلي فبروح لحميد ده اروقله البيت او اعمله لقمه ياكلها من غير ما حد ياخد باله اكمنه عايش لوحده واخد اللي فيه النصيب وكنت بسمعه بيتكلم علي الشغل وكده وعرفت كل حاجه..
وطبعا قدام الناس ما حدش كان فاهم ليه الحج اسماعيل بياخد العيال دي وبيخبيها في عربية الاسعاف..
فتحيه
بالظبط كده وكانو فتكرينه دجال اكمن العيال بتبقي مش قادره تتكلم ما كانوش يعرفو انهم ساكتين خوف من حميد ورجالته اللي بېهددو العيال انهم يتكلمو..
سعيد
وليه طيب ما قولتيش الكلام ده قدام الحكومه..
اقول ايه بس يا باشا وافضح نفسي واقول اني كنت بروح لراجل قاعد لوحده عشان اطلق فيها..
مريم
ما تقلقيش انا مش هجيب سيرتك بس قوليلي هما العيال اللي راحو في الاخر دول ازاي ده حصل ومين السبب...
فتحيه بقلق
اسماعيل ما يعرفش حاجه خالص عن اللي حصل حميد كان عايز ياخد فلوس اكتر فاتفق مع تاجر من بتوع الممنوع وكانو بيخلو العيال هي اللي توزع..
يا نهار اسود هو الراجل ده ما فيش عنده رحمه..
فتحيه
ومش بس كده ده العيال في مره كلهم داقو الحاجات دي واللي حصل حصل..
مريم
بس مكتوب في تقرير الطب الشرعي ان سبب الوفاه للاطفال مجهول وده اللب هما عايزين يعرفوه ايه اللي حصل للاطفال يخليهم يروحو كلهم في لحظه..
فتحيه
الحاجات اللي هما اخدوها دي مالهاش اثر في الجسم ما تبانش يعني بس مفعولها اوي العيال ما اتحملوش..
سعيد
واسماعيل ما كانش يعرف..
فتحيه
ايوه الحج
