مدرس الفيزياء
عيني وتفضل دايما كويس طيب انا عندي فكره اجز النهارده متروحش وريح
يوسف
كلو اني اغيب النهارده ولا اغيب عمتنا من المدرسه ده في حصة المستر مصطفي وجاين انتو بسهوله كدا تقولولي غيب
طارق
خلاص سبيه يا منال ماهو كويس والله مافيش حاجه
منال
باسته من خدو وقالت..
خلاص روح بس لو حسيت بإي حاجه لقدر الله كلمني وانا هاجي اجيبك علطول
باس إيديها وقال حاضر والله متقلقيش
وفطر ونزل راح مدرسته كالعاده وشاف زين وسلم عليه
زين
ياتري التأخير المرادي كان عن ايه
يوسف
بس بس متفكرنيش الله يسترك
وبعدين ايه ده هو المستر محمد بتاع العربي مجاش ولا إيه
زين
لا مجاش فالحصنه اخدنها احتياطي فالملعب
يوسف بفرحه
هو ده الكلاااااام
زين
ايه ماتقولش هننزل نلعب ماتش
ماتش إيه انا اروح ادور علي المستر مصطفي اقعد معاه تعالي معايا اقعد معانا
زين
اييييييه تعرف ده كان اختبار ليك يايوسف عارف لو كنت قولت هننزل ونلعب كنت قولت انك تعبان فعلا روح روح ياعمي لمستر مصطفي وانا انزل العب مع الشباب تحت
سابه زين ومشي ويوسف راح يدور علي المستر مصطفي ولمه لقيه في اوضه المدرسين دخل وقال
مستر مصطفي حضرتك فاضي
مصطفي ابتسم
اه اه تعالي يايوسف اقعد تعالي انا سمعت انو عندكم حصه احتياطي النهارده
يوسف
ماعلشان كدا انا جيت ادور علي حضرتك واقعد معاك
مصطفي
احسن حاجه عملتها تحب بقا نشرح ايه واحنا قاعدين ولا ندردش شويه سوا
يوسف
ندردش لاني عايز استفيد من خبراتك لان مش عارف لحد دلوقتي ادخل ايه بالظبط
حلو انت بقا مشتت مابين كلية ايه وايه
يوسف
مابين هندسه وكلية برمجه وكدا وانا الاتنين بحبهم
مصطفي
حلوه الحيره في كليات القمه دي بس انت متأكد انك تقدر تجيب مجموعهم انا عارف انك ممتاز وتقدر تقفل بس زي ماانت عارف الثانوي وعمايلها
يوسف
اه ان شاء الله هقدر ادخلها حتي لو مجبتش مجموعهم اقدر ادخلهم خاااص
هنا عيونه زغللت واتعدل في مكانه وقال..
ليه ليه هو انت اهلك للدرجادي مقتدرين ومعاهم الفلوس دي ده كل كليه فيهم تطلعلها شئ وشويات
يوسف بحسن نيه
اه الحمدلله اهلي مستروين ومعانا وده غير اني ابنهم الوحيد واي حاجه بعوزها او نفسي فيها بيعملهالي وانو كمان شايلين ليا وديعه فالبنك
