جوزي اتجوز عليا في السر واللي حصل؟ ٢_بقلم رحاب القاضي

داليا ـ
انت فعلا مينفعش تبقي غير ليا انا ي هشام...

ـ بعد شويه وصل هشام البيت وكانو اولاده لسه ما رجعوش، سمع صوت كركبه جاي من المطبخ اول ما دخل المطبخ كنت واقفه بجهز الاكل، فقرب مني وقال بخبث..

هشام ـ
بتعملي اي؟...

اتخضيت وقولتله ـ
اي ده انت جيت امتي..

رد عليا وهو بيقرب مني ـ
جيت بدري النهارده شويه اهو نلحق نقعد مع بعض شويه قبل الولاد ما يجو عشان الهانم بـ الليل بتنام بدري..

ضحكت ورديت عليه ـ
هههههههه معلش ملكش نصيب النهارده، مامتك بره في الصاله مع تيا وكمان انا لازم اخلص الاكل عشان الولاد...

ادايق هشام وقالي ـ
لا والله طيب ارجع الشغل انا دلوقتي ولا اعمل اي؟..

حياه ـ
ادخل بس سلم ع طنط وروح غير هدومك وحط دول في الغساله...

بصلي هشام وبعدين اتنهد بعصبيه وقال ـ
انا غلطان ي حياه خليكي في المطبخ والطبيخ...

ـ طلع هشام من المطبخ وانا بصراحه ادايقت مش عشانه هو، عشان محدش مقدر تعبي مهما عملت هو مش شايف غير نفسه...

ـ غير هشام هدومه وقعد مع مامته وهو بيلعب مع تيا، فـ قربت منه مامته وقالته بخبث..

ام هشام ـ
شوفت مراتك بقي دي زوجه تليق بيك انت ي هشام...

اتنهد هشام ورد عليها  وقال ـ

ام هشام بخبث ـ
في ايدها تريح نفسها زي اي ست راقيه...

سالها هشام بـ فضول ـ
ازاي بس ي ماما دول تلات عيال وكمان مرض يوسف، انتي عارفه السكر لما بيجي لـ طفل بـ يبقي عايز اهتمام زياده...

ام هشام بسخريه ـ
وهي لو شافت شغل كويس واحنا ممكن نلاقيلها حاجه كويسه، وتجيب شغاله تقفلها في المطبخ وتروقلها البيت تغسلها الهدوم تجيبلها الحاجات من السوق وقتها هيكون عندها وقت اكتر تهتم باولادها، وكمان يكون عندها وقت ليك بدل ما هي تبان قد امك بـ منظرها ده...

اقتنع هشام بكلام مامته و قال ـ
معاكي حق ي ماما هبقي اكلمها...