قبل الافطار بدقايق_كامله

عندك حق فاتتني دي خلاص بكره نخطط وننفذ على طول...
هشام . 
ماشي اتفقنا وانا من بكره هاجر عربيه ربع نقل عشان ننقل فيها الحاجه.....
احمد...
وانا هروح قبلك البيت واعمل تمثيليه على ماما ان انا بقيت كويس واول ما يناموا وانا اطمن انهم ناموا.... هبعت لك اشاره عشان تيجي ناخد عفش البيت...
هشام..
اذا كان كده بقى لازم نحبكها ونستنى يومين كمان عشان يتاكدوا انك بقيت كويس والا مش هيبلعوا الطعم..
احمد...
تصدق معاك حق انت دماغك شغاله وبتعرف تفكر... ربنا يحنن قلب المعلم بركات بكره ويدينا اي حاجه من تحت الحساب..
هشام....
المعلم بركات ممكن يدي لك عين من عياله بس ما يدلكش حقنه ولا حتى نص جرعه ده راجل معفن وبيموت على الجنيه... اسالني انا اعرفه قبل منه..
أحمد..
يا عم بس ما تقاطعش احنا بكره هنروح له ونشوف...
في اليوم التاني عند المعلم بركات في الغرزة..
احمد..
يا معلم بركات دول هم حقنتين لغايه بعد بكره وهندفع لك الطاق طاقين...
هشام. 
ايوه يا معلم احنا وقعنا على خميره هتكفينا على الاقل شهر ولا اثنين وهندفع لك الحساب كله مره واحده مقدم...
بركات....
حد كان قول لكم ان انا فاتحها سبيل يا روح امك انت وهو يلا يلا من هنا نجرب بدل وديني اقوم افتح نفوخكم....
أحمد....
ليه بس كده يا معلم ده احنا بتوعك ومش بنروح لحد غيرك...
بركات....
ابقى فكر وروح لحد غيري شوف بركات هيعمل فيك ايه...
أحمد....
ما قلناش حاجه يا معلم بس انت شايف الدنيا ملطشه معانا ازاي وهم بس يومين اثنين ابوس ايدك يا معلم انا دماغي مش قادره حتى ادينا تذكره لكل واحد...
بركات....
اسمع يا روح امك انت وهو انا هعمل معاكم جميل عمري ما عملتها قبل كده..... التذكرة دي ليكم انتوا الاتنين تخمسوا فيها لغاية ما تجي الفلوس...
هشام...
طيب كمل جميلك يا معلم وادي كل واحد فينا تذكره..
بركات...
هو ده الطمع والكلام اللي انا مش بحبه انا قلت تذكره واحده يعني تذكرة واحدة ولا يعني اقول مافيش...
هشام...
لا يا معلم إحنا موافقين وراضيين بتذكرة واحدة نخمس فيها إحنا الاتنين واهه علي الاقل احسن من مافيش...
بركات....
التذكرة اهه وبعد يومين تجيبوا المعلوم ولو اتاخرتوا هبيع هدومكم ..... يلا غور انت وهو من وشي شباب بجيب الهم......
في اليوم التاني عند احلام الباب كان يخبط بتفتح بتلاقي احمد
احمد بتمثيل..
ماما حبيبتي وحشتيني انا اسف حقك عليا...
الأم...
انت مين انا ما اعرفكش انت مش ابني انا بعتبر ابني راح..
احمد....
معقول يا ماما وانا اللي جاي عشان افتح معاكي صفحه جديده وابقي راجل البيت.... ده حتى انا بقيت دلوقتي بشتغل وانا اللي هصرف على البيت وكمان على جواز اختي...
هند....
خلاص والنبي يا ماما عشان خاطري وعشان خاطر بابا الله يرحمه... خليه يدخل من جوه بلاش الكلام على الباب الناس هتقول علينا ايه..... دخلته جوه الباب وضحك عليا بكلمتين وانا صدقته....
احمد...
هي ايه الكراتين دي يا ماما انتم هتعزلوا من هنا ولا ايه...
الأم...
ما لكش دعوه بحاجه انت تقعد هنا زيك زي الكنبة اللي انت قاعد عليها دي.... هو اعمل حسابك لما كنتش هتشتغل ما لكش عيش ولا مكان بينا...
هند....
وبعدين بقى يا ماما بالراحه عليه شويه.... الكراتين دي يا حبيبي ده جهاز الجديد واجهزه كهربائيه عشان انا خلاص هتجوز الاسبوع اللي جاي......
احمد بيني وبين نفسه ده انا باين عليا جيت في الوقت المناسب دي هتبقى صفقه العمر وهفضل اشرب شهرين ثلاثه قدام...
هند...
مالك يا احمد انت سرحان في حاجه ومال صحتك كده مش عجباني.....
احمد...
ها لا يا حبيبتي ما فيش حاجه انا