اتجوزت اخو خطيبي٣_بقلم رحاب القاضي

قلـ،ـع التيشرت بتاعه ورد عليها بخ.بث _
لا معاكي انتي معرفش غير قلة الذوق..

ادايقت من تصرفه وبصت للناحيه التانيه وقالتله _
انت اي اللي جابك عندي..

مصطفي _
انا اجي زي مانا عايز براحتي...

ريتال _
هو مش انت كان عندك شك فيا واظن اني امبارح سيبتك تعمل اللي عايزة وتتاكد اني انضف من عيلتك كلها، غير كده بقي ي حبيبي متستناش مني حاجه..

ضحك وقالها _
لا انتي فاهمه غلط انا مش متجوزك عشان اتاكد من حاجه لا دي كانت حجه عشان اخليكي تهدي معايا امبارح، انما لو انا مش واثق فيكي مكنتش اتجوزتك وكتبتك ع اسمي، مكنش بقي اسمي كبير البلد، ده انا اوديكي انتي وعشره زيك البحر واجيبكم عطشانين..

اتغاظت هي جامد ووشها حمر بعصبيه، ولبس هو التيشرت بتاعه وقالها _
وع العموم براحتك انتي مش عايزه في غيرك عايزه..

_سابها وطلع راح لاوضة اسراء، وفضلت هي تخبط فالسرير بعصبيه منه، اول مره فحياتها حد. يعصبها كده، دخلت وفاء ام مصطفي عندها..

وفاء _
مالك ي بت بتخبطي كده لي؟..

ريتال _
انتي متوحمه ع ابنك ده فبنك غلاسه...

ضحكت وفاء _
بس طيب وحنين، المهم هو راح فين ي حبيبة عمتك دلوقتي؟..

ريتال بغيظ_
راح مكان مراح انا مالي...

وفاء _
يا خايبه من عادتنا العريس لو ساب العروسه فاسبوع فرحهم تبقي معجبتوش يرضيكي الناس تقول عليكي وح،ـشه ومعجبتيش الكبير واسراء اللي متجيش فيكي حاجه تبقي احلي منك فعين الناس..

اتغا.ظت ريتال وقالتلها _
هو برغم اني مش بحب عداتكم دي، بس ورحمة امي مهسمح لحد يقول عليا نص كلمه...

_حطت الحجاب ع راسها وطلعت خبطت ع اوضة اسراء جامد، والكل طلع يتفرج علي اللي بيحصل..

فتحت اسراء وقالتها_
نعم ي شاطره عايزه اي؟..

زقتها ريتال ودخلت لقيت مصطفي قاعد بيتفرج ع التلفزيون بهدوء..

زعقت ريتال فيه _
قووم اطلع قدامي؟..

مصطفي ببرود._
ع فين ان شاء الله...

ريتال _
من حظي الاسود ان عادات البلد المنيله دي اني لو سبتك تبات هنا النهارده هيبقي عيب فحقي وانا عمري ما اجيب العيب عندي..

مصطفي _
دي حاجه ترجعلك بس انا مش طالع من هنا..

اسراء بخب.ث _
اجهزلك العشا ي سي مصطفي..