اتجوزت اخو خطيبي٣_بقلم رحاب القاضي

اتغا.ظت ناهد وزعقت فيها _
منك لله ي ريتال تلاقي اللي يعصبك كده زي مانتي عامله فيا..

_سابتها ناهد ومشيت وقابلت فطريقها وهي نازله فتون..

فتون _
استني ي ماما رايحه فين وانتي زعلانه كده؟..

ناهد _
وسعي من وشي انتي كمان، اختك دي هتجلطني قريب..

ضحكت فتون _
خلاص حقك عليا تعالي نقعد فوق ومتمشيش وانتي زعلانه كده وبعدين بابا لسه قاعد مع عمي راشيد مينفعش تخليه يقوم يمشي..

_نزل فالوقت ده عزت من فوق، واول ما شاف ناهد راحلها..

عزت _
وانا اقول البيت منور لي، عامله اي ي مرات خالي..

ناهد _
شالله تسلم يبني انا كويسه ي حبيبي، طمني عليك انت كويس البنت فتون عامله اي معاك..

بص عزت بخبث لفتون وقال لناهد _
بعد اذنك ي مرات خالي عايزك فكلمتين ع جنب..

ناهد بقلق _
حاضر ي بني بس خير في اي؟..

مسك عزت ايدها وخدها معاه ع جنب وقالها _
تعالي بس انا هقولك..

_وقفت فتون وبصتلهم وهما بيتكلمو بقلق وخافت عزت يقول لناهد ع اللي حصل، وهي عارفه ان امها ممكن تقلب عليها الدنيا عشان رفضت عزت..

قربت منها ناهد وقالتلها _
ربنا يبارك فيكي ي حبيبة امك، ايوه كده رفعتي راسي..

مفهمتش حاجه فتون وسالتها _
هو عزت قالك اي بالظبط؟..

ناهد _
بيشركلي فيكي وفاخلاقك وانك ي حبة عيني زي الاطفال مش عارفه حاجه وهو حبك كده..

اتصد.مت فتون وقالتلها _
عزت قالك كده؟..

ضحكت ناهد _
ايوه قالي كده، هروح اشوف ابوكي بقي ونمشي..

_بصت فتون لعزت اللي كان واقف بعيد وبيضحك عليها، واول مبصتله غمزلها، فاتكسفت ومشيت من قدامه..

جه الليل ودخل مصطفي اوضته لقي ريتال قاعده بتسرح فشعرها..

مصطفي _
هو انتي مش معاكي غير شعرك تسرحي فيه؟..

زعقت ريتال فيه _
انت مش بتخبط لي قبل متدخل اي متعرفش يعني اي ذوق..