ملاكي البرئ٣_بقلم رحاب القاضي

قعدت ملك قدام محمود فالكافي وخافت جدا وعنيها دمعت..

محمود_
يا بنتي لي طيب بتعيطي والله مهعملك حاجه انا بس عايز اتكلم معاكي شويه هنا ومن غير ما مامتك تيجي تزعجنا،والمكان قريب من مدرستك ..

ملك بتوتر_
ماما مش مزعجه..

ضحك ورد عليها _
معاكي حق انا اسف، ممكن بقي نكمل كلام المره اللي عدت..

ملك _
كلام اي؟..

محمود _
انتي مرتبطه..

ملك _
لا، ممكن تسيبني اا امشي..

محمود _
هو احنا لسه اتكلمنا ي ملك، وبعدين متخفيش انا هسيبك تمشي والله، و لو خايفه من مامتك متقوليلهاش..

ملك بسرعه _
لا طبعا مينفعش اخبي عنها حاجه..

محمود _
هو في كده ياربي، جمال وبراءه وعيون زرقه وادب واخلاق..

اتكسفت ووشها احمر وهي بتبص للارض..

محمود _
تتجوزيني ي ملك..

اتصدمت وبصتله بسرعه وهي متوتره وبدأت تتنفض جامد..

رن موبيل محمود فقام واخد موبيله..

محمود _
بصي ده بابا انا لازم ارد عليه مش هطول عليكي، بس ارجع تكوني خلصتي نوبة الكسوف دي..

_ابتسمت وهي بتبص للارض، ورااح هو يكلم باباه...

وبعد شويه جات البنت اللي اسمها تسنيم حبيبة محمود القديمه وقعدت قدامها..

ملك بقلق _
انتي..

تسنيم _
انتي لسه فاكراني..

خافت ملك من نظرات تسنيم ليها، وجات تقوم..

فقالت تسنيم بسرعه _
متخفيش انا بس جايه انصحك..

ملك بتوتر وخو.ف _
مم من اي؟..

تسنيم _
قولتلك متخفيش، انا مش بخو.ف اللي المفروض تخافي منه محمود..

بصتلها ملك باهتمام، فكملت تسنيم _
محمود اللي مش معاه غير انه يضحك ع البنات ويقولهم بحبك هتجوزك وهو لا بيحب ولا هيتجوز..

دمعت عيون ملك بحزن..

تسنيم _
انا خايفه عليكي وبالعقل كده محمود لما هيجي يتجوز عيله صغيره زيك، اكيد بيتثلي لما شافك بنت خام متعرفيش اي حاجه وع نياتك..

بدات ملك تتنفض وقالتلها _
اا انا ععايزه امشي..