ملاكي البرئ٣_بقلم رحاب القاضي

دمعت عيون ملك _
طيب لي ي ماما هو انا وح،ـشه عشان يعمل فيا كده..

الام _
انتي اجمل بنت ف الدنيا كفايه طيبتك وبراءتك، بس واحد زي محمود لما هيجي يتجوز هيتجوز وحده من نفس مستوااه، هو بيستغل ظروفك وخوفك عشان يتثلي بيكي انما لما هيتجوز هيتجوز واحده غيرك..

ملك _
قصدك انه مش هيتجوزني عشان مش غنيه زيه، وكمان عشان مريضه نفسيه..

الام بسرعه _
لا ي حببتي انتي مش مريضه انتي بس اعصابك تعبانه...

بكت ملك وقالتلها _
لا ي ماما الحقيقه مش كده، انا مريضه انا جبانه ومريضه انا عندي رهااب اجتمااعي..

حضنتها مامتها وقالتلها _

_عدي كام يوم وكان محمود بيروح المطعم عشان يشوف ملك بس مكنتش بتروح، حتي المدرسه كان بيروح كل يوم وقت طلوها ومكنش بيلاقيها..

وفيوم كان قاعد فالمطعم، وجات اميره وقعدت قدامه..

اميره _
خير قالولي انك عايزني؟..

محمود _
لي بعدتي ملك عني؟..

اميره_
عشان بنتي مش لعبه هتتثلي بيها ي بشمهندس محمود..

محمود بعصبيه _
وانا مش عايز اتثلي بيها، انا عايز اتجوزها..

ادايقت اميره _
تتجوز مين؟  دي عيله صغيره فرق السن بينكم لوحده يعدي العشر سنين..

محمود_
مش مشكله بتحصل كتير وعادي..

اميره _
اسمع ي ابن الناس انا بنتي فيها اللي مكفيها بجد، فابعد عنها ومتزودش حزنها..

محمود _
ممكن اعرف بس لي بعدتيها عني ومش بتخليها تروح المدرسه..

اتنهدت اميره _
والله ي ابن الناس اما مبعدتهاش ولا حاجه، هي فتالته ثانوي وامتحانتها ع الابواب ففضلت انها تقعد فالبيت وتذاكر افضل من المدرسه..

محمود _
طيب ارجوكي افهميني، انا والله حبيتها بجد ومستعد اعمل اي حاجه تثبتلك ده..

اميره _
سيبها ابعد عنها، لو بتحبها ابعد عنها..

محمود ـ
ده ازاي بقي؟..

اميره _
ملك مريضه نفسيه، عندها رهاا.ب اجتماعي..