اتجوزت اخو خطيبي_بقلم رحاب القاضي ـ

مصطفي _
اتخنقت وجيت ارتاح شويه واروح اشوف الشغل..

اسراء _
طيب انا رايحه للدكتور الجديد اللي قولتلك عليه..

زعق فيها _
تاني ي اسراء مكفايه بقي...

ادايقت وردت عليه _
لا مش كفايه احنا بقالنا عشر سنين متجوزين وانا مخلفتش وابوك وامك مش هيخلوك تستحملني كتير لو مخلفتش..

مصطفي _
وانا مش عيل صغير عشان حد يمشي كلامه عليا، ولو عايز اطلقك كنت طلقتك من زمان بس الخلفه. دي بتاعت ربنا ولما ربك. يريد ي اسراء هنخلف وهنملي البيت عيال..

اسراء _
طيب سيبني اروح المره دي بس يمكن تظبط..

ادايق مصطفي _
براحتك ي اسراء، فين عزت اومال؟..

اسراء _
فوق فاوضته كان بيتخانق مع عمي عشان نفس الموضوع هو مش عايز يتجوز ريتال..

اتعصب مصطفي _
هيستهبل هو التاني ناقصين فضايح فالبلد..

اسراء _
طيب اطلع اتكلم معااه والنبي عشان خاطري..

_سمع مصطفي كلامها وطلع لاخوه عزت اوضته ولاقاه قاعد زعلان جدا..

مصطفي _
في عريس يبقي زعلان كده؟..

عزت _
بس والنبي قال عريس قال، هو ابوك شايفني بنت عشان يجبرني اتجوز وحده لا بطيقني ولا بطيقها..

مصطفي _
انت جاي تقول كده دلوقتي؟..

عزت _
لا انا قولت من زمان من لما خطبهالي من ورايا وانا رافض..

مصطفي _
عداتنا كده ابوك وامك يختارولك عروستك من نفس العيه وانت توافق وبس، وبعدين بنت خالك دي هتسيبها ياخدها سالم ولد خالها وياخد ورثها ويبهدلها..

زعق عزت _
انا مااالي انا راجل ماسك كل شغلكم اللي فالقاهره سيبوني بقي اتجوز وحده تناسبني هناك مش ع مزاجكم انتو..

مصطفي _
اللي حصل بقي وبلاش تزعل ابوك منك ي عزت فاهم..

_سابه مصطفي ومشي، وقعد عزت متعصب ومدايق..