اتجوزت اخو خطيبي_بقلم رحاب القاضي ـ

اولا انا اسمي ريتال، ثانياً انا الشنط بتاعتي كتيره وهو لازم يدخل يوصلني للبيت وهو مش هياخد من البلد حته وهو طالع يعني..

مردش عليها بس قال لعوض _
عووض نزل انت والرجاله الشنط بتاعت الست هانم و حطوها فعربيتي، انا هوصلها للبيت..

سابته ريتال وراحت ركبت العربيه بتاعته، فضحك ع طريقتها وركب جنبها..

مصطفي _
انا توقعت انك مش هترضي تركبي، سمعت عنك انك عنيده..

بصتله وقالت _
بمزاجي ركبت وبعدين انت ابن خالي وللاسف اخو خطيبي يعني عادي توصلني...

مصطفي_
مش ساهله انتي ي ريتال،بلاش بلاش الطريقه دي مع مصطفي العدوي..

مردتش عليه فادايق هو ووصلها البيت ونزلها شنطها من العربيه ودخلهم البيت..

ناهد مرات ابو ريتال ـ
اهلا اهلا ي مصطفي تعبناك معانا تعالي اتفضل..

مصطفي _
لا معلش ي مرات خالي عندي شغل، وتلاقيكم مشغولين ده العروسه لسه واصله دلوقتي والكتب الكتاب والفرح بالليل..

ردت عليه ريتال بعصبيه _
والله انا كده واللي عاجبه اهلا وسهلا واللي مش عاجبه يخبط دماغه فالحيط..

اتعصب مصطفي _
انا اقسم بالله اللي حايشني عنك انك بنت خالي غير كده كنت دفنتك مكانك، انتي اتجننتي ي بت انتي عشان تكلمي مصطفي العدوي كبير البلد كده..

ريتال _
ايوه انا مجنونه روح بقي قول لاخوك ميجيش النهارده بالليل كتب الكتاب خليني اخلص منها الجوازه الهم دي..

_خلصت كلامها وقفلت الباب فوشه، فاتعصب هو اكتر واخد عربيته ومشي..

ناهد _
عيب كده ي ريتال ده ابن خالك واخو خطيبك برضو..

ريتال _
ع فكره انتي متعرفيش حاجه فاسكتي احسن ي مرات ابويا...

نزلت فتون اخت ريتال الصغيره وقالت بسعاده _
ريتال واخيرا جيتي ي احلي عروسه..

ريتال _
بس متقوليش عروسه طيب..

ناهد _
اسكتي ي ريتال  وبلاش الكلام ده قدام ابوكي عشان ميزعلش..

ريتال _

ف بيت العدوي دخل مصطفي وهو مدايق جدا من اللي قالته ريتال، وقابل فطريقه اسراء مراته..

اسراء_
رجعت لي بدري ي مصطفي مش قولت هتقعد عند بيت خالك عشان تشوف التجهيزات بتاعت كتب الكتاب..