ملاكي البرئ١ _بقلم رحاب القاضي ـ

ضحك وليد _
طيب مانتي شاطره اهو وحافظه النشيد بتاعنا كويس...

ملك _
بس انا كل متقدم خطوه وبعدين اسمع بابا بيتخانق مع ماما او يزعقلي برجع اخاف تاني..

وليد _

كلنا بنخاف لما اهلنا بيتخانقو او بيزعقولنا بس المهم اننا منخليش الخو.ف يسيطر علينا ي ملك، بصي خافي من بابا بس افتكري انه مش هيعملك حاجه ولو عمل مش هتكون جامده، افتكري وانتي فالشارع ان الناس دي مش هتقدر تعملك حاجه وقتها هتتعاملي عادي..

ملك _
مانا لما خبطت فيه هو زعقلي واتريق عليا قدام الناس..

وليد _
مين ده؟..

ملك _
واحد خبطت فيه وانا طالعه من المطعم اللي شغاله فيه ماما..

وليد _
ممكن يكون متعصب من حاجه وميقصدش، او انه واحد مش محترم..

وليد _

مش كل الناس كويسه هبقي كداب لو قولت ان الدنيا كلها ناس كويسه لا فيها الكويس وفيها الوحش، وانتي هتتعاملي فحياتك مع الاتنين، اللي بجح وقليل ذوق زي اللي زعق فيكي ده احنا هنبعد عنه، انما الناس الكويسه لو حد منهم دخل حياتنا هنحبه ونحترمه..

ابتسمت ملك _
صح ي دكتور وليد..

وليد _
كده احنا خلصنا، بس عايز منك طلب..

ملك _
اتفضل ي دكتور..

وليد _
عايزك دلوقتي تطلعي وتقولي لماما روحي انتي الشغل وانا هروح السنتر اخد الدرس لوحدي..

اتوترت ملك، فقال وليد _
لازم تعملي كده ي ملك، وهناك لو حسيتي بتوتر خدي نفس عميق وطلعيه ع عشر مرات واتكلمي عشان متحصلش تهتهه..

ملك _