ملاكي البرئ١ _بقلم رحاب القاضي ـ

قالت اميره بسرعه _
جاهز والله من قبل نروح الشغل، هسخن واجيبلك ع طول..

احمد _
لا الاول هاتي مايه احط فيها رجليا وبعدها اتنيلي جهزي الاكل..

اميره وهي بتروح بسرعه تنفذله كل طلباته _
حاضر ثانيه وحده وهجيب المايه..

احمد بسخريه _
تقول ثانيه واحده وبعد. كده تقعد ساعه بنت الكسوله...

_خلصت اميره كل حاجه لجوزها ونزل هو ع القهوه، فراحت لملك لقيتها نايمه والهاند فري فودنها، فشالته ليها وبصتلها ودمعت..

اميره _
حقك عليا ي ملك انتي كل اللي فيه ده بسببي اني معرفتش اجيبلك اب يطمنك ويبقي امان ليكي، انا السبب انا اللي جيبتلك اب زي ده معندوش قلب وصلك للحاله دي، ميعرفش يعني اي ضَني عمره مكان حنين عليكي ولا مهتم بيكي..

قعدت ملك وردت عليها بهدوء _
بس انا عندي احسن واقوي ام فالدنيا، عندي ماما اميره اللي هتعالجني وهتخليني مخافش من حاجه صح؟..

حضنتها اميره وقالت _
صح ي عيون ماما صح..

_بعد كام يوم كانت ملك فالعياده بتاعت الدكتور وليد اللي بيعالجها..

وليد _
ها ي اميره طمنيني عنك دلوقتي، بتنفذي اللي اتفقنا عليه..

دمعت عينيها _
ايوه نفذته بس فشلت فيه..

ضحك وليد _
ولا يهمك، تعرفي ان اول طريق للنجاح الفشل..

ملك _
ازاي بقي..

وليد _
هقولك ازاي، بصي ع اي حد. ناجح هل هو نجح ع طول؟ لا هتلاقيه وقع فحياته اكتر من مره وفالاخر اتعلم من الوقعات دي ووقف عليها ونجح..

ملك _
انا مش زي الناس دي انا ضعيفه..

وليد _
لا كده هزعل منك احنا اتفقنا ع اي؟..

ردت عليه ملك _
انا مش ضعيفه ومش هخاف، انا هنزل الشارع لوحدي واشتري حاجات لوحدي انا هيبقي عندي صحاب وهحب وهتجوز وهخلف اولاد وهذكرلهم واوديهم المدرسه ومش هخليهم يخافو من حاجه..