مرات ابويا خلتني قرعه _الاول
انت في الصفحة 4 من 4 صفحات
مش مبطل طلبات شويه تكل وشويه اعمله الشيشه وشويه شاي وفي اباخر قالي اكويله جلابيه وعبايه جديده من بتوعه عشان رايح مشوار مهم وانتي نسياني خالص وما صدقتي روحتي عند خالتي وقولتي عدولي..
هبه
الله هو يعني كان بخاطري اتأخر يا سمر زكريا ابن خالتك مسك فيا وحلف اتعشي معاهم وكلم ابوكي استأذنه..
سمر
سيدي يا سيدي عقبال بقي ما يجي هو يتعشي عندنا وهو خطيبك..
من بوقك لباب السما بس زكريا صعب شويه وده مخوفني..
سمر
مش هيكون اصعب من ابوكي يا اختي...
وطلع علي من اوضته وقال
انتي يا بت يا سمر خلصتي الجلابيه ولا لسه..
سمر بقلق
خخ خلصت اهو يا بابا اتفضل..
علي
دخليهم جوه وانتي يا بت يا هبه روحي اعمليلي كوباية ساي هشربه الاول قبل ما اجهز وانزل..
هبه
_ودخلت هبه المطبخ عملت الشاي وقدمته لابوها ووقفت جنبيه وقالت بتوتر..
هبه
هو انت رايح فرح ولا ايه يا بابا اصل انا فاكره كويس ان حضرتك مش بتلبس العبايه الجديده دي غير في المناسبات..
ضحك علي وقال
نبيهه يا بت يا هبه انا فعلا رايح فرح بس مش هقولكم دلوقتي اما يتم عشان انتو عينكم وحشه زي امكم..
هبه
يا سمر حرام عليكي هو كل شويه تفكريني انا كمان وتخليني اعيط..
سمر
امك تعبت اووي مع ابوكي كان نفسها تفرح قبل ما تقابل وجه رب كريم بس ما فرحتش ده حتي في فترة تعبها ابوكي كان منكد عليها..
هبه بحزن
ربنا يرحمها ويجعل مثوها الجنه بقولك ايه لما تفتكريها بلاش ټعيطي..
اومال اعمل ايه يعني..
هبه
نقوم نتوضا ونيجي نصلي ركعتين ونقرالها قرأن العياط والنكد مش هيرجعها..
سمر
ربنا ما يحرمنيش منك ابدا يا هبه..
_وفي بيت فاتن كانت قاعده جنب امها وقصادهم علي اللي كان مدايق وقال..
علي.
يا ست ام فاتن هو انا جاي اقولك عايز بنتك في الحړام ده انا هتجوزها علي سنة الله ورسوله
بس البنت صغيره يا معلم. علي دي اكبر من سمر بنتك بسنه واحده..
علي
وفيها ايه انا سني صغير بس اتجوزت المرحومه بدري شويه وخلفت بسرعه وبعدين فاتن موافقه ولا ايه يا فاتن..
فاتن
ايوه موافقه بس الرأي الاول والاخير لامي وانا سبق وقولتلك كده..
علي
طيب اؤمريني يا ست ام فاتن اللي انتي عايزااه انا تحت امرك فيه بس انول الرضا..
ما خلاص بقي يا اما المعلم علي جاي ومادد ايديه بالخير والحلال ورحمة ابويا اوعي تروديه مكسور..
كريمه
انا موافقه بس بشرط يتعملها فرح كبير ويتكتبلها نص البيت بتاعك بأسمها او علي الاقل بعد عمر طويل يبقي ليها نص البيت ده طبعا غير انك هتتولي مصاريف اخواتها..
علي
موافق احلي اكل واحلي شرب ولبس ليهم وكمان لما يكبرو جوازهم وجهازهم عليا وكل اللي تحتاجوه..
فاتن
خلاص بقي يا اما نقرا الفاتحه..
كريمه
لااا يجيب بناته الاول
ونقرا الفاتحه وكلنا مع بعض ونبقي اهل..
قلق علي وقال
حح حاضر هقولهم واجيبهم..
_ تفتكرو بقي هيحصل ايه لما سمر وهبه يعرفو بجواز ابوهم من فاتن..
