مرات ابويا خلتني قرعه _الاول
لسه بعتالك صورتي يا علي لحقت اوحشك..
علي
انتي في كل لحظه بتغيبي فيها عليا بتوحشيني يا حبيبتي..
فاتن
خلاص بقي اصبر شويه وهبقي علي طول قدامك وانا مراتك..
_ وقفلت معاه وطلعت بره الاوضه اللي فيها اخواتها الصغيرين اللي نايمين ولقيت امها قاعده زعلانه..
فاتن
مالك يا اما قاعده شايله طاجن ستك كده ليه..
كريمه
اومال انتي عايزاني اعمل ايه والاسعار كلها بقيت غاليه جدا زمش لاقيه حتي اجيب لاخواتك العيش حاااف
هتفرج يا اما وجاي اللي هيتجوزني وهخليه يصرف علينا كلنا ورجله فوق رقبته..
كريمه
مين ده يا بت تكونيش هتتجوزي واحد. من اللي بيطلعو علي التلفزيون..
فاتن بسخريه
وفيني انا وفين بتوع التلفزيزن يا اما ولا هيشفوني او اشوفهم فين بس انا جالي عريس تاني خالص..
كريمه
هو مين ده يا بت وبعدين جواز ايه وجهاز ايه دلوقتي هو احنا لاقين ناكل..
ومين قالك اني هجيب جهاز العريس هو اللي هيجيب كل حاجه يا ماما..
كريمه
هو مين العريس ده يا بت ووقعتي عليه منين..
فاتن بضيق
يبقي علي ناصف ابو سمر اللي ساكن. في الشارع اللي ورانا صاحب المصنع اللي شغاله فيه....
كريمه
يالهوي مين يا بت ده في عمر ابوكي هتتجوزي واحد في عمر ابوكي ده بنته الكبيره في سنك تقريبا..
وانتي فكرك مين هيرضي يتجوزني ويصرف عليا وعلي اهلي وياخدني من غير جهاز غير واحد زي علي
كريمه
لا كتير هو انتي قليله طيب ده انتي بتتقدملك عرسان زي الورد..
فاتن
وبيترفضو يا اما عشان مش معانا نجيب جهاز بقولك ايه انا واخده قراري وموافقه ومش هقبل بأي حاجه بس اتجوز علي ناصف..
كريمه
طيب وبناته مش خاېفه منهم دول اتنين وانتي هتكوني بينهم بطولك..
هههههههه لا يا ماما انا معايا الكبير ابوهم اللي هيخليني ابقي ستهم وصاحبة الكلمه الكبيره والصغيره عليهم..
كريمه
بقولك ايه انا اللي يهمني الفلوس واخواتك مين اللي هيصرف علينا بعد ما انتي تتجوزي وانتي عارفه ان مرتبك اللي بتاخديه من المصنع بتاع علي ناصف ده يدوب بيكفينا ناكل عيش وفول..
اطمني يا اما علي قالي انه هيعملك انتي والعيال اخواتي شهريه تاخدوها تعيشو بيها ومش اي شهريه كمان ده انتي هتاخدي قد المرتب بتاعي مرتين...
فرحت كريمه وقالت
ايوه بقي هو ده الكلام يا فاتن قوليلي بقي هو هيجي بكره امتي..
فاتن
جاي بكره بعد صلاة العشا عايزاكي با اما تمثلي انك. مش موافقه ااه عايزاااه ديما يحس اني حلوه وصغيره وكتير عليه واني هتنازل واتجوزو عشان لما اطلب منه حاجه بعد كده يخااااف يقولي لا...
انتي يا بت جايبه الدماغ دي منين..
فاتن بسخريه
هيكون منين يعني من الدنيا والمر اللي دوقته فيها...
_ وتاني يوم بالليل رجعت هبه من بره لقيت سمر بتكوي في الهدوم قربت منها وقالت..
هبه
خير بتكوي ايه دلوقتي..
سمر بضيق
يا اختي ما تعرفيش امك كانت متحمله ابوكي ازاي ده من لما رجع من الشغل وهو
