حماتي حپستني عشرين سنه _الاول

ايه يا ماما بس كنوز الدنيا كلها ما تغلااش علي ناهد المهم اوعي تقوليلها حاجه انا اصلا عامل نفسي ناسي معاد عيد ميلادها..
صفاء ابتسمت وقالت
ماشي يا حبيبي اللي يريحك انا هجيب ليها هديه حلوه اووي تفرحها..
ويوم عيد ميلادي فرحت اووي بالعربيه اللي جبهالي احمد وقولتله..
ناهد 
بجد يا احمد مش عارفه اقولك ايه كل ده كتير عليا..
احمد 
بس ما فيش حاجه تغلي عليكي يا حبيبتي..
وقربت مني حماتي وقالت
اتفضلي يا حبيبتي احلي خاتم الماظ نزل مصر..
حضنتها وقولت 
ميرسي اووي يا ماما احلي هديه جاتلي والله..
احمد بهزار
شايفه البنت يا بقي جايبلك عربية دافع فيها ډم قلبي وتقولي علي هدية ماما احلي هديه.. انا خلاص بقيت اغير من ماما..
ناهد 
ايوه انا حبيت هدية ماما اكتر حاجه..
علي ضحك وقال 
ههههه استني دول بعد. كده هيتفقو عليك..
صفاء
اومال هو فاكر ايه بقي ده انا خلاص ما صدقت بقيت ليا بنوته زي القمر..
احمد 
خلاص بقي خديها معاكي وانا قاعد مع حمايا وحماتي..
فتحيه 
ولا تزعل يا حبيبي طيب اقعد انت عندي وانا ندلعك دلع عمرك ما شوفته..
وفضلنا كلنا نضحك ونهزر وبعدين قعدنا انا واحمد لوحدنا واخدت بالي من حماتي اللي كانت بتبصلنا بنظره غريبه ما عرفتش اميزها هي فرحانه ولا مدايقه...
وعدت الايام وجه يوم الفرح ودخلت صفاء اوضة احمد وبصت للبدله وقالت..
صفاء
ايه ده يا حبيبي انت غيرت البدله اللي اختارتهالك ولا ايه..
احمد 
لا مش انا الست ناهد ما عجبتهاش البدله وامبارح خلتنا ننزل نجيب دي..
صفاء بضيق 
امم بس تصدق ذوقها احلي من ذوقي حلوه اووي البدلة دي يلا ادخل خد شاور لحد ما اظبطلك كل حاجه هنا..
احمد 
مالوش لزوم يا ماما شريف صاحبي جايب الشباب وجاي وهنحتفل مع بعص وكده..
صفاء
لا يا حبيبي انا اللي هجهزك لعروستك بنفسي كلم صحابك خليهم يجو وقت الزفه..
احمد 
مش هقولك لا اللي تشوفيه يا ست الكل..
وفي اوضتي انا كنت بفتح الشنطه اللي فيها فستان الفرح ولقيت ورقه قريتها وكان مكتوب فيها...
ناهد 
لو خاېفه علي عمرك بلاش تخلي الجوازه دي تتم.. مين بقي الرخم اللي بيهزر معايا الهزار ده..
دخلت ماما وسالتني
انتي بتكلمي نفسك ولا ايه يا حبيبتي..
خبيت
الورقه عشان عارفه ماما ممكن تخاف وتلغي الفرح وقولتلها..
ناهد 
لا ابدا ده انا كنت بغني انا فرحانه اووي يا ماما اني هتجوز احمد..
فتحيه 
ربنا يتمملك علي خير يا حبيبتي..