حماتي حپستني عشرين سنه _الاول

الهديه دي..
احمد فرح وقال
ايه الدلع ده كله وكمان جيبالي هديه يا حبيبتي..
ناهد 
لا مش ليك هو يا ابني مش النهارده عيد ميلاد مامتك..
احمد 
يا نهار مش فايت ده انا ناسي اووي الحكايه دي اكيد زعلت مني..
وقفت وقولتله
لا هتزعل ولا حاجه انا هديتي موجوده وانت تعالي معايا هنختارلها هديه حلوه ونقدمهالها...
احمد 
والله يا ناهد يا حبيبتي انا مش عارف من غيرك كنت هعمل ايه...
ناهد 
ولا كنت هتعرف تعمل حاجه هو انت تعرف تعيش من غير ناهد اصلا يا ابني..
ضحك احمد وقال
ههههه طبعا معاكي حق يا حبيبتي..
وروحنا وجيبنا لمامت احمد هديه حلوه وتورتا جميله وعملنالها عيد ميلاد بسيط..
صفاء لاحمد بفرحه 
كنت هزعل اووي لو كنت نسيت عيد ميلادي..
احمد. 
مش هكدب عليكي يا ماما بس انا فعلا كنت ناسي من ضغط الشغل عليا في الشركه وفي الجامعه بس مرات ابنك بقي المستقبليه هي اللي فكرتني..
ابتسمت صفاء وقالت
مش مهم انت ابني وهي بنتي تعالي في حضڼي يا ناهد يا حبيبتي ده احلي عيد ميلاد عشان انتي معايا انا واحمد..
ناهد 
ربنا يخليكي ليا يا طنط لا لا طنط ايه انا من النهارده مش هقولك غير يا ماما ده بعد اذنك طبعا..
صفاء
يا حبيبتي دي حاجه تفرحني انتي اصلا بنتي زي ما احمد ابني..
احمد 
جرا ايه بقي يا ست ماما هو انتي هتاخدي مني خطيبتي ولا ايه..
صفاء 
لا طبعا يا حبيبي ده هي اللي اخدتني منك..
احمد بهزار
لا اذا كان كده عادي مش مهم..
ضحكت ناهد واحمد وصفاء ابتسمت بس كانت مدايقه جدا وبعدين احمد اخدني عشان يوريني الفيلا بتاعتهم اللي كنت اول مره ادخلها وصفاء مسكت الهديه بتاعتي ورمتها في الزباله حتي من غير ما تقتحها..
وبعد كام شهر كان يوم عيد ميلادي واحمد نزل يفطر ومامته سالته وقالت..
صفاء
قولي يا احمد انت سحبت ليه مبلغ كبير من حسابك في البنك..
احمد 
ايوه صح نسيت اقولك اصل بكره عيد ميلاد ناهد وانا قررت هجيب ليها عربيه موديل السنه دي انا علمتها السواقه المهم انا عايزك انتي كمان تجبيلها هديه حلوه..
صفاء بضيق 
هي مش العربيه هديه كبيره شويه طيب خليها بعد ما تتجوزو..
احمد
وفيها