ظابط الشرطه وبنت الليل١

_ سابته ودخلت البيت جابت حاجات ليها ولمامتها وطلعت عشان تروحلها وحمدت ربنا انها ملقيتش رزق في وشها، وراحت المستشفي وملقيتش مامتها في الاوضه، فراحت بسرعه سألت الممرضه وقالت...

سهي _لو سمحتي مدام سعاد اللي كانت في الاوضه هنا، متعرفيش راحت فين؟..

ردت عليها الممرضه _نقولها العنايه المركزه اللي فالدور الاول تحت، بعد اذنك...

_خافت يهي جدا علي مامتها ونزلت تحت عند العنايه وقعدت مستنيه الدكتور يخرج يطمنها علي مامتها وهي باعيط وتدعي انها تبقي بخير، وطلع الدكتور بعد شويه وبصلها بعصبيه وقال...

الدكتور _انتي شرفتي..

سهي ببكاء _مالها ماما بس يا دكتور طمني عليها...

الدكتور بحده _والدتك تعبت جدا والمفروض كنا بدانا العلاج من النهارده وانا بلغتك وانتي حتي مدفعتيش مصاريف المستشفي..  

بكت سهي وردت عليه _انا والله نزلت ادور علي شغل و..

الدكتور بسخر-يه _انتي لسه هتدوري يبقي الاحسن انك تاخدي امك من هنا لانها لو الصبح ما بدأتش تاخد العلاج هتروح منك...

بكت سهي وقالتله بسرعه _لالالا بعد الشر متقولش كده والنبي وانا الصبح او دلوقتي هروح دلوقتي وهجيبلك كل الفلوس اللي محتاجينها عشان ماما تقوم...

الدكتور بهدوء _بصي يا بنتي انا دفعت تمن اول جرعة علاج من عندي عشان ننقذها دلوقتي بس الباقي لازم تتصرفي فيه بأسرع وقت...

سهي وهي بتسمح دموعها وردت عليه _شكرا يا دكتور ربنا يخليك، وانا ان شاء الله بكره هجيب باقي الفلوس...

_طلعت سهي بسرعه من المستشفي وهي بتعيط وخايفه علي مامتها لتروح منها، واختارت تعمل اي وهي مش لاقيه شغل ولازم بكره تدفع تمن مصاريف المستشفي ومش عارفه تجيب الفلوس منين، وبتدين مسحت دموعها ورجعت بيتها بس مراحتش علي شقتها خبطت علي شقة رزق وفتحتلها مراته وبثتلها بقرف وقالت...

مرات رزق _نعم ياختي عايزه ايه في الساعه دي؟..

سهي _فين عم رزق..

الزوجه بعصبيه _وانتي مالك ومال سي رزق اييي مش لاقيه حد يبصلك ويشيل همك انتي وامك هتلوفي علي جوزي..

اتغاظت سهي وردت عليها بحده وقالت _هو مين ده اللي هلوف عليه يا وليه انتي، ده شبه الموره الكفر...

طلع رزق في الوقت ده وسألهم _خير في ايه، وانتي يا ست سهي جايه عايزه ايه مش رفضتي شغلي...

سهي بضيق _عايزاك في كلمتين علي جنب لوحدينا...

مرات رزق بعصبيه _هو اي اصله ده يا اخةيا عايزاك في اي البنت السهتانه دي...

زعق رزق فيها وقالها _اخرسي بقي يا وليه بدل ما اديكي علي وشك وخشي جوه عند العيال...

_دخلت مىات رزق جوه شقتها وهي بتبص لسهي بعصبيه وغيظ، وبعدين قرب رزق وسألها بصوت واطي...

رزق _هاا فكرتي يا حلوه...

دمعت عيون سهي وقالتله _ايوه فكرت وموافقه بس بشرطين...

رزق _قبل الشرطين اعرف انتي وافبتي علي انهي شغل فيهم بالظبط....

سهي بضيق ردت عليه _هبقي الشغاله هناك والشرط الاول انك تبقي هناك طول ما انا هناك ومتخليش حد يتعرضلي وبحلفك بشرف بناتك انك تخافظ عليا هناك...

بصلها رزق بشفقه وقالها _ ماشي بس عشان انا برضو فيا حته حنينه مع انك لو وافقتي علي الشغل التاني ه...

قاطعته سهي وقالت بدموع وحزن _والشرط التاني يا عم رزق ان محدش هنا يعرف اي حاجه او اني شغاله معاك...

رزق _اعتبريه حصل اصلا الحاجات دي بتتنظر...

سهي بحزن _ وكنت عايزه مبلغ كده ادفعه تمن مصاريف المستشفي واول دفعه للعلاج...

رزق بضيق _كل ده عشان شغلانة الشغاله، بس ماشي كله بهون عشان نطمن علي الست سعاد، وكمان مدام فيفي مزنوقه في وحده تشيلها شغل البيت...

سهي بقلق _مين مدام فيفي دي؟..

رزق بحماس _صاحبة الشقه اللي في العماره بتاعتي، الشقه اللي هتشتغلي فيها...

ـــــــــــــــ

يتبع....