ظابط الشرطه وبنت الليل١

ظابط الشرطه وبنت الليل... 
ــــــــــــــــــــــــــــــــــــــــ

عمر _انتي فاكره اني ممكن ابص في وشك بعد اللي عرفته عنك؟...

سهي _والله انت زالمني انا كنت شغاله هناك بس كنت شغاله والله ما حد قرب مني..

زعق فيها وقال _اطلعي بره..

سهي _اسمعني الاول...

عمر بعصبيه _هنزلك الحجز يا سهي اطلعي بره..  

سهي _مش هنزل غير لما تسمعني..

عمر بحده _تمام..

_علي صوته ونده علي العسكري وقال...

عمر _يا عسكري....

_دخل العسكري وعمر قاله وهو بيبص لسهي بعند..

عمر _نزل البنت دي علي الحجز....

_وقبل ما نبدأ حكايتنا نتعرف ع البطله اللي اسمها سهي وعندها ٢٤ سنه متخرجه من كلية الاداب، عايشه مع مامتها اللي عندها مرض صعب...

عمر _عنده ٣٢ سنه ظابط مباحث محترم وفي حاله جداً...

_في يوم كانت سهي طالعه من اوضتها وراحت تصحي مامتها عشان تفطرها بس لقيتها واقعه في الارض ومغمي عليها، فصوتت ودخل واحد اسمه رزق جارها ونقلوها المستشفي..

الدكتور _للاسف الست سعاد عندها كانسر...

سهي ببكاء _ازاي يعني، وماما هتروح مني خلاص...

الدكتور _وحدي الله ي انسه سهي وان شاء الله خير، بس لازم تنتظمي معاها علي العلاج والجلسات...

سهي وهي بتمسح دموعها _اكيد طبعا هي هتبدأ علاج من امتي؟...

رد عليها الدكتور وقال _هي من دلوقتي ممكن تبدأ بس المصاريف بتاعت العلاج تقيله جدا...

_سكتت سهي وبان عليها الحزن هي مش معاها فلوس وهي ومامتها عايشين من معاش باباها اللي راح من سنتين، طلعت من عند الدكتور وكانت بتعيط ومش عارفه تجيب الفلوس بتاعت علاج مامتها منين..

_دخلت اوضة مامتها اللي كانت نايمه علي السرير وباين عليها التعب واول ما شافت سهي قالت بصوت مليان تعب...

سعاد _تعالي يا بنتي، حقك عليا خوفتك...

قعدت سهي جنبها وقالتلها بهدوء_لا يا ماما متشغليش بالك المهم انك تقوميلي بألف مليون سلامه...

سعاد بحزن _متشغليش انتي بالك وسيبك من كلام الدكاتره والعلاج والكلام ده..

سهي _ازاي بس يا ماما انتي لازم تتعالجي عشان تقوميلي بألف سلامه..