احببت بلط-جي٢_بقلم الكاتبه رحاب القاضي

نور_
يعني اي؟..

ام. نور _
يعني خالد هو اللي بيصرف علينا من زمان هدومك ومصاريف جامعتك والواي فاي وكل حاجه من فلوسه حتي علاج ابوكي ومكنش راضي يقولك عشان متزعليش، وفالاخر تروحي تفضلي حتت عيل عليه فاقل خناقه بينكم جه وفضحك فالحاره..

نور _
اعمل اي طيب انتو لي مكنتوش بتقولولي كده، انا اتعودت اكره خالد بس لما لقيته راح عند صباح غيرت عليه وعرفت اني بحبه ومش هتحمل يبص لغيري..

ام نور _
لما يجي بالليل تعتذريله ولو قالك متروحيش الجامعه توافقي غصب عنك فاهمه..

بكت نور ومردتش ع مامتها..

_جه الليل وفعلا خالد جاب المأذون وكتبو كتب الكتاب وكانت نور خايفه جدا من منظر خالد فكان مكشر ومدايق جدا..

وبعدين قام خالد ووصل المأذون بره وكمان ابوه مشي ويوسف وام نور كانت فرحانه جدا..

خالد _

نور _
استني ي خالد..

خالد بسخريه _
ي سلام بقيتي تتكلمي بالراحه دلوقتي

نور _
انا اسفه انا دلوقتي بقيت مراتك وانا موافقه لان محدش بيحبني زي خالد ومش هكون مرتاحه غير معاك..

اتملت عينيه دموع وكان هيسامحها بس كل ميفتكر اللي عملته بيدايق اكتر..

نور _
انا دلوقتي هسمع كل كلامك ومش هعترض حتي لو مش عايزني اكمل الكليه موافقه بس متزعلش..

خالد_
هتكلمي الكليه ي نور بس وانتي فبيتي وتحت عيني وبرضاكي هتوافقي ان الفرح يبقي الاسبوع الجاي وقتها هسامحك..

نور _
موافقه..

خالد _
يمين عظيم لو اللي حصل اتكرر تاني ي نور هدفنك حيه، انا هعتبرها غلطه وعدت ولو اتعوجتي تاني ه..

نور _
مكفايه بقي طريقتك دي انا اهو بقولك موافقه بيك وموافقه اكون معاك، وو..

قرب منها وقال بخبث _
واي ي نور؟..

اتكسفت وقالتله _
واكتشفت اني محبتش غيرك بجد، ومش بغير ع حد غيرك ومينفعش اصلا اكون مع حد غيرك، ومفيش راجل يستحق يبقي ابو ولادي وافتخر بيه وبجدعنته غيرك..

ضحك وقالها _
رغم انك مطلعه عيني معاكي من وانتي صغيره بس قلب خالد محبش غيرك..

_قرب منها وحضنها لاول مره وهي مراته، هو غلط فحقها زمان انه مد ايده ودايقها، وهي ردت الغلط فانها بصت لغيره بس حبهم كان اكبر من التعليم ومن العند والعصبيه

_الي اللقاء فروايه اخري..