احببت بلط-جي٢_بقلم الكاتبه رحاب القاضي

عمر _
متقوليلو ي نور قولي لخطيبك اني عمر اللي كنتي مستنياه يجي يخطبك..

اتصدم خالد وقرب منه وقاله بعصبيه _
انت بتخرف تقول اي يا عم..

عمر بعصبيه _
دي الحقيقه ي كابتن، نور اتعرفت عليها من فتره وكنا متفقين نتخطب وانا مهمنيش هي منين ولا بنت مين وجيت اسال عنها عشان اخطبها، وعرفت انها مخطوبه..

بصلها عمر وهي بتعيط وقالها _
انتي كداابه ومحبتنيش انتي بس كان عاجبك المظهر انك هتتجوزي دكتور بس انتي متستهليش اني ابصلك اصلا..

شده خالد من هدومه جامد وزعق فيه..

خالد _
كلمه كمان وهخليك تروح من هنا ع المستشفي واياك تقرب منها ولا توجهلها كلمه تاني فاهم..

_خلص كلامه واخد نور ومشي وكان متعصب جدا جدا..

نور بخوف _
ي خالد استني انا هفهمك و..

زعق فيها وهو طالع ع سلم بيتهم _
مسمعش صوتك انتي فاهمه..

سكتت وهي خايفه منه، وقف هو قدام باب بيتهم وخبط ع الباب ففتحت امها وشد خالد نور جامد ودخل وقفل الباب..

ام نور _

خير يبني في اي؟ والله انا قولتلها تقولك انها طالعه بس هي دماغها جزمه..

خالد _
بالليل هجيب المأذون وهنكتب الكتاب..

دمعت عينيها وقالتله _
طيب اسمعني الاول انا غلطت بس والله اخر فتره مكنتش بكلمه واسأل علا انا قولتلها اني بدأت اخد بالي من حبك انت..

زعق فيها _
بطلت اتغفل منك ورحمة امي لهربيكي ي نور من اول وجديد وانسي خالص الكليه و..

زعقت وقالتله _
انت مش هتدمر حلمي، وبعدين انت السبب من اول مكبرت وانت متحكم فيا وبتزعق وتامر فيا فطبيعي كنت اخاف منك واكرهك واول حد حنين هيدخل حياتي هميل ليه..

خالد _
الغلط مني من الاول اني سيبتك تطلعي واديتك ثقه انتي مش قدها، خليتك تتعلمي وتبقي دكتوره وفالاخر تغفليني، وربنا ي نور لربيكي ومفيش قوه ع وش الارض هتمنعني من اللي هعمله النهارده..

_سابهم ومشي وكان مدايق ومتعصب انها بصت لغيره، ودخلت نور اوضتها وفضلت تبكي..

ام نور _
انتي تعملي كده ي نور؟..

نور _
والله بعدت عنه وقولتله مش عايزاه هو عشان يغيظني جه وقال كلامه ده لخالد..

ام نور _
تستاهلي عشان انتي اللي سمحتيله يدخل حياتك من الاول، واستحملي بقي اللي هيعمله خالد، خالد اللي فاتح البيت ده بفلوسه..