قصة ابويا _الاول

ودي شنطة الأدوية بتاعته وكل حاجة عليها الميعاد ماشي
ايمان
حاضر يا مصطفى متقلقش هديله الدوا في مواعيدة
ومشيو اخواتي ودخلت عند بابا وجودي وقولت
يلا يابابا عشان تتعشا وتاخد الدوا بتاعك وانتي ياجودي لمى لعبك دي يلا وسيبي جدو زمانه زهق منك
محمود
ازهق ايه بس يا ايمان دي جودي دي حبيبتى طيب تصدقي أن اللعب معاها احلى من اللعب مع الواد كريم ان سامي اخوكي ده واد دمه تقيل
ايمان
ههههه ربنا يخليك لينا يابابا طيب يلا بقا عشان تاكل وترتاح على سريرك
محمود
لا انا هنام جنب جودي واخدها في حضڼي حبيبت جدو
ايمان
لو نامت مش هتعرف تنام منها دي بتفرك كتير على السرير وهضايقك يابابا
محمود
لا ياستي ملكيش دعوة انا بحب الفرك اطلعي انتي منها بس مش انتي عايزة تنامي جنب جدو يا جودي
جودي
اه ياجدو عايزة انام جنبك بس اوعي تزعل مني لو جبت رجلي عليك وانا نايمة
محمود
لا يا روح جدو طبعا مش هزعل منك
ايمان
طيب يلا اسيبكم عشان تنامو يلا تصبحو على خير
محمود
وانتي من اهل الخير ياحبيبتي
وخرجت وقفلت الباب ورايا وتاني يوم الصبح قومت البس ودخلت اصحى جودي عشان تروح المدرسه ولقيتها نايمة على الارض وبابا على السرير وقولت
ايمان 
يانهار ابيض ياجودي انتي ايه اللي منيمك على الارض كده انتي وقعتي ولا ايه ياجودي اصحى ياحبيبتي عشان تروحي المدرسه
جودي بكسل
صباح الخير ياماما
ايمان
انتي ايه اللي نيمك على الأرض كده ياجودي انتي وقعتي من على السرير ولا ايه
جودي پخوف
انا انا اااه وقعت انا مش عايزة انام جنب جدو تاني ياماما مش عايزة وجريت راحت الحمام
استغربت وقولت مالها البنت دي لقيت بابا صحي وقالي
صباح الخير يا ايمان يابنتي
ايمان
صباح الفل يابابا يلا اصحى عشان اعملك فطارك قبل مانزل اروح الشغل
محمود
طيب يابنتي الله اومال جودي فين
ايمان
اسكت يابابا انا دخلت لقيتها نايمة على الارض الظاهر انها وقعت من جنبك وانت مش حاسس بيها
محمود
باين كده يابنتي يلا معلش
ايمان
يلا ياجودي عشان تلبسي
جودي
حاضر ياماما ولقيتها بتبص لبابا بصات غريبة اوي حسيت فيها بغل كده
ايمان
مالك ياجودي انتي بتبصي لجدو كده ليه ياحبيبتي هو جدو عملك حاجة ولا انتي زعلانة عشان وقعتي من السرير وفاكرة انه هو اللي زقك
جودي پخوف
ااه انا مش هنام جنبة تاني خلاص
ايمان
طيب يلا افطري عشان ننزل على المدرسه
وعدت الايام وبابا عندي وكل يوم الاقي جودي تقولي
هو جدو هيمشي من عندنا امتى ياماما انا مش عايزاه عندنا
ايمان
ايه الكلام ده ياجودي انتي بتقولي كده ليه مع انك كنتي فرحانة اول لما جدو جه عندنا
جودي
لا خلاص مش عايزاه خلي يمشي يرجع بيته
ايمان باستغراب 
الله في ايه ياجودي هو جدو زعلك في حاجة ولا ايه قوليلي ياحبيبتي
جودي پخوف 
ها لا لا لا معملش حاجة خالص معملش انا داخلة اوضتي
ايمان 
البنت دي غريبة كده ليه
وتاني سحر مرات اخويا جات وعملت لبابا الاكل وقالتله 
بقولك ايه
اوعي تكون عملت حاجة لبنت ايمان البنت صغيرة ياعمي انا بقولك اهو
محمود 
انتي اټجننتي ياسحر ازاى تتكلمي معايا كده وبعدين هو انا اكلت من البت حته ما البت سليمة وزي الفل
سحر
بقولك ايه انا عارفاك كويس ولحد دلوقتي ولادك مايعرفوش اي حاجة من اللي عملته في ابني وخبيت الموضوع بس والله لو حصلت ووصلت انك تعمل حاجة في بنت ايمان بنتك لكون ڤاضحاك في كل حته