قصة ابويا _الاول
انت في الصفحة 1 من 4 صفحات
ابويا الاول
وقبل ما بدا حكايتي اعرفكم بنفسي انا اسمي ايمان عندي 30 سنة وعندي بنوته عندها 8 سنين وعندي اخين وبابا عايش معاهم في نفس البيت
وعند بابا في البيت مرات اخويا الكبير قالتله
نوال
بقولك ايه يا سامي انا تعبت من خدمة ابوك وطلباتة كفاية عليا بقا لحد كده وابعته عند اختك ايمان تخدمة هي أولى برعايتة
وايمان هتراعي ابويا ازاى بس يانوال وهي بتشتغل ومش بترجع غير اخر النهار
نوال
انا بصراحة تعبت ياسامي وسحر مرات مصطفى اخوك كمان زهقت يبقا الحل الوحيد انه يروح يقعد عند اختك ايمان
سامي
خلاص يانوال انا هبقا اكلم ايمان واشوف ظروفها ايه بس انا مش هقول لابويا روح اقعد عند بنتك
نوال
وفي الوقت ده الباب خبط وكانت سحر مرات اخويا دخلت وقالت
سحر
مساء الخير يا جماعة عاملين ايه
سامي
اهلا ياسحر ادخلي انا هدخل جوه اغير هدومي عشان نازل الشغل عندي نبطشية النهارده ويمكن اتأخر يانوال
نوال
طيب ياسامي ربنا يعينك ياحبيبي
ايه الاخبار يانوال قولتي لجوزك انه يودي ابوه عند ايمان اختة
نوال
قولتله وطبعا ايمان بتشتغل ومش هتبقا فاضيه تاخد بالها من ابويا قولتله انا تعبت انا وسحر من الخدمة لابوك ومبقناش قادرين بقا قالي هيكلم ايمان ونشوف
سحر
اوعي تكوني قولتيلو على اللي انا قولته لك عن ابوه واللي عمله
لا طبعا ماقولتش انتي عبيطة يابنتي ده ممكن يقول اننا بنتبلي على ابوهم اللي بيصلي الوقت بوقته
سحر
اه والله يانوال الراجل باين عليه كبر وخرف ومش عارفة انا بقول يمكن مش حاسس باللي هو بيعملة ده
نوال
كبر ولا مكبرش بقا بنته أولى بيه وهي حره مع ابوها انا مش هشيله اكتر من كده
سحر
اه يانوال بس متنسيش ان ايمان عندها بنت وربنا يسترها عليها بقا انا راي نكلم ايمان
نوال
عندك حق يابت ياسحر اذا كان بيعمل مع ولادنا الصبيان كده امال هيعمل ايه مع البنت بس برضه احنا ملناش دعوة احنا نقول لايمان تاخد ابوها عندها وخلاص هنلبس مصېبه كبيره
ومحدش هيصدق كلامنا
سحر
المهم انك تشوفي حل وتخلي يمشي من هنا
وخلاص وهي حره بقي مع ابوها
ها قولت ايه يا مصطفى نتصل بايمان ونقولها ان ابونا يروح يقعد عندها كام يوم
مصطفى
بس ياسامي كلنا عارفين ان اختك ايمان بتشتغل وبترجع البيت بعد الضهر يبقا هتاخد بالها من بابا ازاى
نوال
ماحنا عارفين يا مصطفى انها بتشتغل بس انا ومراتك خلاص تعبنا من خدمتة ابوكم الصراحة وانت عارف انت وسامي انه طلباتة بقت كتير عن الاول خالص وبيخلينا نهمل في طلبات ولادنا
مصطفى
انا مقولتش حاجة يامرات اخويا هو برضو مش حق عليكم خدمتة وبنته موجوده
