مرات اخويا _كاامله
يقول ايه
رحاب
انا مش عملت حاجة والله وقولت انزل اقعد مع عمو أسامة اعمله فنجان قهوة واسليه لحد ما نتي ترجعي من برة بس
أسامة
هو ايه اللي حصل يا شرين لده كله دي رحاب زي بنتنا مي وانا اللي قولتلها تنزل تعملي فنجان قهوة وتقعد معايا شوية على ما ترجعي من برة
شرين
رحاب مش زي بنتنا دي مرات اخويا وهي قاعدة معانا أمانة في البيت ولازم ناخد بالنا منها مش نضحك ونهزر والناس تسمع بينا
طيب عن اذنكم انا طالعة شقتي
أسامة
عجبك كده يا شرين يعنى كان لازم ټجرحي البنت بكلامك ده انتي بتغيري منها ولا ايه
شرين
انا اغير من عيلة يا اسامة برضو دي بالنسبه لي ولا حاجة
أسامة
اومال ليه بس اللي عملتية ده وخليتها ټعيط وتطلع على شقتها زعلانة
شرين
لا والله اوعي كمان تقولي اطلعلها اصالحها واخد بخاطرها
وفيها ايه لما تطلعي وتاخدي بخاطرها وتصالحيها ما انتي برضو غلطتي فيها
شرين
وانا مش هطلع يا اسامة وخليها بقا تزعل انشالله حتى تتفلق
وفي شقة رحاب كانت بتكلم مامتها في التليفون وقالت..
رحاب
ايوه ياماما انا زهقت اوي من الاقعده هنا انا بفكر اجي اقعد عندك يومين كده اغير جو لما حازم يكلمني هاقوله واجيلك
لا تيجي فين يا حبيبتي ما انتي اقعده في شقتك براحتك وبعدين انتي عارفة لو جيتي تقعدي عندي عمك مصطفى مش هيبقا واخد راحتة
رحاب
ااه انتي يعني عامله على راحت جوزك وبنتك تتفلق حرام عليكي يا ماما والله يعنى اتجوزتي وقولت ماشي انما تخليني حتى ما اجيش اقعد في بيت بابا يومين طيب افرضي ان جوزى زعلني اروح فين ولمين
لا يا رحاب مش قصدي يا حبيبتي ده بيت باباكي برضو بس يعني انا بقول انك لو انتي جيتي هنا وعمك مصطفى موجود ممكن لا انتي تاخدي راحتك ولا هو كمان هياخد راحتة
رحاب
خلاص يا ماما خلاص انا مش جاية عندك اطمني
انا هقفل دلوقتي عشان تعبانة شوية وعايزة انام يلا سلام
وفضلت رحاب يومين في شقتها ما تنزلش تحت عندي وانا قولت....
هي الهانم عاملة زعلانة ومش عايزة تنزل عندي هي هتتدلع علينا ولا ايه
أسامة
هو انتي لا بترحمي ولا بتسيبي رحمة ربنا تنزل ما انتي اللي زعلتيها يا شرين وخلتيها ما تنزلش تحت هنا
شرين
احسن عنها ما نزلت خليها في شقتها هي يعني بتنزل تعملي ايه خليها بقا فوق في شقتها
أسامة
شرين
هو انت تفتكر يا اسامة انها ممكن تحكيله اني زعلتها وخليتها تطلع شقتها زعلانة من غير ما اعبرها واصلحها
أسامة
الله اعلم بس ما اعتقدش ان رحاب تعمل كده دي عاقلة ومش ممكن تعمل مشكلة بينك وبين اخوكي
شرين
طيب خلاص الصبح هبقا اطلعلها اشوفها مالها
وحازم اتصل برحاب وقالها
ايه يا حبيبتي عامله ايه وحشتيني اوي اوي يا رحاب
رحاب
انت كمان وحشتني اوي يا حازم وبصراحه بندم اني خليتك تسافر وتسبني لوحدي كده
حازم
وانتي قاعدة لوحدك ليه هو انتي مش بتنزلي عند شرين اختي ولا ايه
رحاب بتوتر
لا يا حبيبي بنزل طبعا بس يعني هو انا هفضل عندهم ليل نهار منا لازم اطلع شقتي عشان انام فيها
حازم
اوعي تكون شرين اختي مزعلاكي ولا حاجة يا رحاب اصلي انا حاسس كده انك مضايقة من حاجة
رحاب
لا مش مضايقه من حاجة بس الاقعده لوحدي بس هي اللي مزهقاني
حازم
معلش يا قلبي استحملي شوية لحد ربنا ما يسهلي بس واعرف ابعتلك تيجى تعيشي معايا هنا البلد حلوه اوي
رحاب
يارب يا حبيبي ربنا يسهل
