مرات اخويا _كاامله
بس يسافر يرتب امورة هناك ويبقا يبعتلك يلا خودي الحاجة واعملي السلطة زمان عمك أسامة وحازم راجعين
رحاب
حاضر يا ماما
شرين
يا بت بلاش يا ماما دي كبرتيني يا ختي وانا لسه صغيره في السن
مي
هههههههههه
شرين
بتضحكي على ايه يا زفته انتي مش عجبك كلامي ولا ايه
مي
لا يا ست الاكل عجبني طبعا ده انتي احلى شرين في الدنيا كلها
ايوه كده اتعدلي يا اختي
رحاب
انا بحب اقولك يا ماما عشان حازم قالي انك انتي اللي مربياه وهو بيعتبرك زي مامتة وانا كمان بعتبرك زي ماما يا ماما
شرين
طيب يا ختي روحي شوفي مين اللي بيخبط وافتحي الباب وراحت رحاب تفتح الباب وكان أسامة وقالتله
رحاب
حمد الله على السلامة يا عمو أسامة وسلمت عليه وباسته
ازيك يا رحاب عاملة ايه هو حازم رجع ولا لسه
رحاب
لا لسه زمانة جاي في الطريق انا قولت انزل اساعد ماما شرين في المطبخ وعلى فكره انا اللي عملت الاكل كله بأيدي
أسامة
تسلم ايدك مقدما يا رحاب انا هدخل اغير هدومي على ما تخلصو
ودخلت المطبخ وقالت
عمو أسامة اللي جه
شرين
ورجع حازم وقعدنا كلنا نتغدا وقال
الله الاكل حلو اوي مين اللي طبخت بقا
مي
انا يا خالو اللي عملت الاكل كله مش كده يا ماما
شرين
اتنيلي هو انتي بتعرفي تسلقي بيضة يا خيبة
رحاب
ههههه انا اللي طبخت الاكل مع ماما شرين على فكرة ايه رايك يا عمو أسامة
تسلم ايدك يا رحاب انتي وماما شرين
مي
يا سلام يا سي بابا يعنى مفيش تسلم ايدك يامي منا كنت واقفة معاهم في المطبخ
حازم
تسلم ايدك يا احلى مي ست البنات كلهم
مي
حبيبي يا خالو يلي رافع من روحي المعنوية امووواه
شرين
خلصتي رغي ممكن تاكلي بقا وانتي ساكتة ولا مش ممكن
مي
انتي محسساني اني انا ضرتك مش عارفه بتعامليني كده ليه
انتي مشكلة يا مي والله ههههه
حازم
دي دي مصېبة البت مي دي
مي
يا جماعة انا كده فرفوشة وبحب الفرفشة
شرين
طيب يا لمضة انتي اللي هتغسلي المواعين بعد مانخلص الغدا
مي
شوفتو مش بقولكم بتعاملني كأني ضرتها ماشي ياشرين حاضر هغسل المواعين انا داخلة اوضتي بقا لحد ما تخلصو اكل
امشي يا لمضة قولي يا حازم قربت تخلص الورق يا حبيبي ولا لسه
حازم
ايوه يا شرين كلها اسبوعين واسافر ان شاء الله
رحاب
كل ما المدة تقرب يا حازم قلبي يتقبض وافتكر اني هقعد لوحدي اخاڤ
حازم
ليه بس يا رحاب منا سايبك مع اختي شرين وانا عارف انك تعتبرينها زي مامتك
رحاب
ايوه والله دي ماما شرين زي مامتي وعمو أسامة بعتبرة زي بابا الله يرحمة
أسامة
انتي هتعيش معانا هنا في البيت معززه مكرمة يا رحاب متحمليش هم اي حاجة
رحاب
ربنا يخليك ياعمو أسامة كلك زوق والله
حازم
طيب يبقا خلاص يا رحاب انا هبقا مطمن عليكي وانا سايبك وسط اختي وجوزها
وعدت الايام واخويا سافر وفضلت رحاب في شقتها وبتنزل عندي كل يوم
وفي يوم رجعت من بره لقيتها قاعده بتهزر مع اسامة
شرين
مساء الخير هو في ايه ده صوت الضحك بتاعكم جاي لحد مدخل العمارة خير
أسامة
اما رحاب دي طلعت ډمها خفيف بشكل يا شرين دا انا كنت هاروح من كتر الضحك
شرين
لا والله وكانت بتضحكك ازاى بقا يا اسامة ده انت عمرك ما ضحكت معايا هي مي فين
رحاب
دي مي نزلت راحت الدرس يا ماما شرين
شرين
يا سلام يعني كمان قاعدين لوحدكم في الشقة وعمالين تهزروا وتضحكو وصوتكم جايب لاخر الشارع افرض حد من الجيران خبط علينا ولاقاكم لوحدكم وانتو نازلين هزار وضحك
