مرات اخويا _كاامله
انت في الصفحة 1 من 6 صفحات
مرات اخويا
وقبل ما بدا حكايتي اعرفكم بنفسي انا اسمي شرين عندي 45 سنة متجوزة واخويا كمان لسه متجوز قريب وعايش معانا في نفس البيت في يوم لقيتة بيقولي
شرين حبيبتى بقولك ايه انا قررت اسافر بره عشان انتي عارفة العيشة هنا بقت صعبة ازاى وكمان انا لسه عليا أقساط كتير من العفش بتاعي
شرين
تسافر ازاى ياحازم انت لسه متجوز ياحبيبي معقول هتسيب مراتك وهي لسه عروسة وتروح تتغرب بره
اعمل ايه بس يا شرين ما هو مرتبي مش مكفي طلبات البيت والاقساط اللي عليا
شرين
قول ان مرتبك مش مكفي الست هانم مراتك ما هي دلوعة وطلباتها كتيرة والله انا عارفة ان هي اللي ورا موضوع السفر ده
حازم
جرا ايه ياشرين انتي هتعملي عليها حما ولا ايه وبعدين انتي عارفه ان رحاب يتيمة وملهاش حد غيري
شرين
ليه يا حبيبي ما هي امها عايشة وزي القردة اهيه وشايفة نفسها على الآخر بقا في واحدة في سنها جوزها يروح وتقوم هي تروح تتجوز
ههههه ايه يا شوشو اهدي عليا شوية كده انا بقولك رايح اشتغل مش رايح الملاهي
شرين
يا حبيبي انت عارف اني انا اللي ربيتك بعد امك وابوك ما راحو يعنى انت تعتبر ابني اللي بخاف عليه مش اخويا
حازم
انا عارف والله يا حبيبتي بس هنعمل ايه بقا نصيبي كده
رد أسامة جوزى وقال
هو انتي عايزاه يفضل جنبك كده علي طول ما تسبيه يروح يشوف حاله وربنا ان شاء الله يكرمة ويرزقة
قولها ياعم أسامة وبعدين انا اصلا لسه هحضر ورق وجواز سفر لسه قدامي موال
شرين
طيب يا حبيبي ربنا يوفقك يارب
طالع حازم شقتة رحاب قالتله
ها يا حبيبي عملت ايه في مكتب السفريات اللي انت روحته
حازم
اتقبلت الحمد لله في الإمارات يا رحاب بس المفروض اني هقعد سنتين في الاول
رحاب
سنتين يا حازم هتبعدهم عني لا يا حبيبي انت لازم تبعتلي اول ما تسافر عشان اجيلك علي طول
ما انا ناوي اعمل كده يا رحاب انتي عارفه انا مش هقدر استغني عنك يا حبيبي
عندي في شقتي قولت لاسامه
والله اخويا صعبان عليا اوي يا اسامة ده لسه صغيرة على البهدله والسفر والغربة
أسامة
هنعمل ايه بس يا شرين ده حال كل الشباب ما فيش فرص كويسة في البلد هنا عشان كده الكل بيفكر يسافر على برة
ردت مي بنتي وقالت
شرين
اتنيلي واسكتي البنت ياختي ما لهاش غير بيت جوزها تخلص شاهدتها من هنا وتتجوز من هنا
مي
تتجوز ايه بس يا ماما انا بعون الله هفضل عايشة معاكي انتي وبابا وموضوع الجواز ده مفكرش فيه نهائي يعنى بس انا اخلص ثانوية واخش الجامعة واياكي ياماما تقوليلي اتجوزي والكلام الفارغ ده
شوف البت المفعوصة بتقول ايه عجبك كلامها ده يا اسامة
أسامة
ههههه معلش يا شوشو عيلة ما تعرفش حاجة
مي
انا مش عيلة يا سي بابا انا في ثانوية عامة وكبيرة يعنى
لقيت تفاحة على ترابيزة السفرة رحت حدفاها بيها
وقولت
شرين
امشي يا بت من وشي امشي
مي
ههههه برضو مش هتجوز
أسامة
انتي هتعملي عقلك بعقل البنت يا شرين
شرين
وفضل اخويا حازم يحضر في الورق وفي يوم كنت عازماه على الغدا هو ومراتة ورحاب مراتة نزلت عندي وقالت
رحاب
انا مش عارفة هعمل ايه لما حازم يسافر ويسبني لوحدي يا ماما شرين
شرين
الله ما انتي معايا في البيت اهو يا رحاب وهتبقي عايشه معايا ومش هسيبك
رحاب.
انا قولتلة يبعتلي لما يسافر عشان ابقي اروح أعيش معاه هناك لحسن مش هستحمل بعده عني
شرين
هو
