باع جهازي قبل فرحي بشهر_بقلم رحاب القاضي

زينب بقلق _

انا اسفه ي حسام بس احنا لازم ناجل الفرح..

اتدايق حسام وقال _

لي ي زينب ما احنا كنا متفقين، اي اللي اتغير؟..

زينب بحزن _

معلش بس حصلت ظروف عندي و...

اتعصب حسام وقالها _

طيب وانتي متعرفيش اني خلاص ظبطت كل حاجه عشان هنسافر السعوديه بعد الفرح بكام يوم...

زينب ببكاء ـ

طيب انا اعمل اي والله مش فايدي حاجه، بابا اخد الجهاز وباعه وضيع فلوسه...

حسام _

لا والله انتي فاكره اني ممكن اصدق الكدبه دي...

زينب _

طيب وانا هكدب عليك لي؟...

حسام بعصبيه _

مليش فيه انا ظبطت نفسي ان فرحنا بعد شهر انتي لي بقي بتعملي كده؟..

زينب ببكاء_

عملت اي بس؟ بقولك ابويا اخد الجهاز بتاعي وباعه وضيع الفلوس انا ذنبي اي؟..

حسام ـ

وانا مالي..

زينب بخوف ـ

يعني اي ي حسام هتتخلي عني؟...

حسام ـ

انتي اللي اتخليتي الاول ي زينب، وع فكره انا عرفت انك اتخطبتي الف مبروك..

زينب _

اي اتخبطت دي، انا متخطبتش لحد غير ليك..

حسام بحده _

اومال شاكر ابن عم ابوكي اللي جه لحد عندي النهارده وقالي انكم اتخطبتو، ولما كلمتك لقيتك بتتلككي عشان تخليني اتعصب واسيبك...

زينب ببكاء ـ

والله محصل هو اكيد بيكدب عليك، صدقني ي حسام انا عمري مهتجوز غيرك..

حسام بعصبيه ـ

بس انا مش عايزك، عشان انا محدش يضحك عليا ويغفلني..

زينب ببكاء وخوف _

حسام عشان خاطري استني خلينا نتقابل وانا هفهمك كل حاجه..