باع جهازي قبل فرحي بشهر_بقلم رحاب القاضي

الام _

ادخلي اوضتك ي زينب دلوقتي وربنا يعوض عليكي..

_دخلت زينب اوضتها وفضلت تبكي وهي مش عارفه هتعمل اي ولا هتقول لحسام اللي بيجهز للفرح اي...

ــــــــــــــــــــــــــــــــــــــــ

_تاني يوم كان حسام فشقته بيجهز فاخر التشطيبات، ودخل عنده شاكر وهو بيبصله بخبث وقال..

شاكر _

بسم الله مشاء الله، اي الجمال ده ي استاذ حسام..

حسام بهدوء _

خير مين حضرتك؟..

رد عليه شاكر _

محسوبك شاكر يبقي ابن عم صادق اللي بيقولو عليه حماك..

حسام ـ

اهلا وسهلا بيك اتفضل اقعد هبعت حد يجيبلك حاجه من ع القهوه تشربها..

شاكر بهدوء _

لا مشكرين انا شربت، وكمان شربت عند بيت خطيبتي قبل مجيلك..

حسام_

معقول انت بيت خطيبتك قريب من هنا؟..

ضحك شاكر ورد عليه _

انت طيب اووي ي استاذ حسام، هي زينب مقالتش ليك اني خطبتها وهنكتب الكتاب الاسبوع الجاي..

اتعصب حسام جدا _

انت بتخرف تقول اي، امشي اطلع بره..

شاكر بخبث _

مانا كده كده طالع انا بس جيت اوصلك الرساله، والله الشقه جميله وصعبان عليا الشقه الحلوه دي، صارف ومكلف انت ع الفاضي معلش...

_مشي شاكر واتعصب حسام جدا وطلع موبيله واتصل ب زينب اللي ردت عليه وكانت مدايقه جدًا...

زينب ـ

الو ي حسام..

حسام بضيق _

عامله اي ي زينب..

زينب ـ

الحمد لله انت اخبارك اي؟..

حسام _

اهو قربت اخلص الشقه عشان نتجوز ي حبيبتي..

زينب بدموع _

انا كنت عايزه اقولك حاجه ي حسام..

اتقبض قلب حسام ورد عليها _

سامعك ي زينب اتكلمي..