باع جهازي قبل فرحي بشهر_بقلم رحاب القاضي

الام بضيق ـ

اهو ارحم من القعده في الشارع، يلا بينا..

_راحو عند شقة احمد وخبطو ع الباب وفتحت لهم جهاد مرات احمد، واول ما شافتهم لوت بوقها وقالت..

جهاد ـ

خير عايزين اي؟..

الام بضيق _

طيب حتي قولي اتفضلو الاول ي بنتي..

جهاد بسخريه ـ

انا مش بنتك بناتك وراكي اهم، وبعدين انا مش فاضيه اتكلو بقي ع الله من هنا..

زينب بحده _

بقولك اي ي جهاد احنا جايين لـ احمد اخويا هو فين؟..

جهاد بحده _

واخوكي مش هنا سافر في شغل مهم، ومش هيرجع غير بعد يومين، اتفضلو بقي...

لمحت ملك ان في حد جوه فسالتها ـ

هو مين اللي عندك جوه ي احمد ي احمد..

زعقت جهاد فيهم _

بقولك اخوكي مش هنا...

زينب بحده _

اومال مين اللي جوه بقي واحمد مش موجود؟..

اتوترت جهاد وردت عليها _

لا لا مفيش حد دد ده اخويا عادل جاي يقعد معايا لحد ميرجع احمد..

الام بقلق _

طيب خليه يجي يسلم علينا وهنمشي ع طول..

اتعصبت جهاد وزعقت فيهم _

جرا اي منك ليها انتو جايين تحققو معايا، اخوكم مش هنا لما يجي ابقو تعالي اي القرف ده..

_خلصت كلامها وقفلت الباب في وشهم، فنزلو لـ تحت وهما زعلانين ومش عارفين يروحو فين..

ملك بغيظ ـ

والله ي ماما عندها واحد غريب اول مره اشوفه فالشقه..

زعقت فيها مامتها ـ

عيب ي ملك يمكن عادل اخوها بجد بس انتي عشان مشفتهوش بقالك كتير فمعرفتيش ان هو ولا لا..

زينب بقلق _

طيب مخلتوش لي يجي يسلم علينا؟..

الام بعصبيه ـ

خلاص بقي منك ليها وافتكرو ان حرام نجيب سيرة حد بالطريقه دي، ولو في حاجه ربنا كبير وقادر ينجينا من اي حاجه وحشه...

زينب بدموع ـ

طيب هنروح فين دلوقتي ي ماما...

الام بحزن _

هنرجع البيت ونستعطف ابوكي يفتحلنا...

ملك بقلق _

طب لو مرضيش ي ماما..

الام ببكاء ـ

هنشوف اي حل، المهم منقعدش فالشارع كده واحنا تلات ستات..