باع جهازي قبل فرحي بشهر_بقلم رحاب القاضي

انت بقالك سنه بتسحب مني فلوس ومعشمني اني هتجوز زينب وفالاخر يتحدد فرحها بعد شهر، يبقي كده ضحكت عليا ولا لا..

صادق بقلق _

اسمعني بس ده كلام انما مفيش حاجه هتم غير بامري وبرضايا انا، وانا بقولك اهو زينب مش هتكون لحد غير ليك ي شاكر..

شاكر بعصبيه _

حلو قبل الشهر ميخلص اكون كاتب عليها والا ترجعلي كل قرش خدته مني، امين ي حج..

صادق _

بقولك اي ما تسيبك من البت زينب وخد ملك الصغيره دي احلي منها و...

زعق فيه شاكر وقال _

لااا انا مش عايز غير زينب، مفيش ست خلقها ربك خيشت فنفوخي غير زينب وهتجوزها يعني هتجوزها..

_سابه شاكر ومشي وقعد صادق متعصب ومش عارف يعمل اي عشان يبوظ الجوازه بتاعت زينب وحسام..

ــــــــــــــــــــــــــــــــــــــــ

_في يوم رجعت زينب من شغلها وهي ماسكه شنط كبيره فايدها...

ملك بفضول _

اي اللي انتي جيبااه ده ي زينب..

زينب بحماس _

جيبت شوية حاجات كانت ناقصه فجهازي تعالي افرجك..

ملك _

تعالي طيب جوه عند ماما، هتفرح اووي لما تشوفهم..

وينب _

طيب يلا ندخلها..

_دخل فالوقت ده صادق وهو متعصب، وزعق فيهم..

صادق _

غايره فين ي بت منك ليها؟..

ملك بفرحه كبيره _

دي زينب ي بابا جابت باقي الحاجات اللي كانت ناقصه فجهازها وهندخل نوريهم لماما..

اتغاظ صادق وزعق فيهم _

لا ي روح امك منك ليها روحو خدو امكم ومشوفش وش وحده فيكم فالبيت...

زينب بخوف ـ

لي بس ي بابا احنا عملنا اي؟..

صادق بحده _

مزاجي كده وي تطلعو لوحدكم ي هفضحكم فالعماره واطلعكم بنفسي..

_راحت زينب اخدت مامتها وملك اختها ومشيو..

ملك ببكاء ـ

طيب احنا هنروح فين كده الساعه بقيت تسعه بالليل..

زينب بحزن ـ

مش عارفه، هو انا لي بس حظي كده ي ربي كل ما اجي افرح تيجي حاجه تعكنن علياا..

الام ـ

تعالو هنروح عند احمد اخوكم..

زينب ـ

يعني هنمشي من عند بابا هنروح عند الانيل منه،جهاد دي هتفضل تقطم فينا وتلقح علينا بكلامها...