جبروت حماتي _ الاخيره
انت في الصفحة 1 من 6 صفحات
_ الحلقه التانيه
دخلت روحيه وقالت
منورانا يا حلوه..
شهد بقلق
بنور حضرتك والله يا حجه روحيه..
روحيه
طيب لو انتي عايزه تقتدي عندنا تعالي اقعدي معايا بره خلي اختك تقوم تسمحمي كده وتلبس حاجه كويسه عشان جوزها اللي جاي من الشغل ده نفسه تتفتح لما يشوفها..
ادايقت شيماء وشهد قامت وقالت
لا عادي انا اصلا ماشيه عشان مرات عمي ما تقلقش عليا..
تقلق عليكي ايه تلاقيها ما صدقت خلصت منك هبقي اشوفلك عريس كويس وعليه القيمه كده واريحك زي ما اختك مرتاحه كده..
شيماء قالت بسرعه
لا لا شهد مش هتتجوز دلوقتي سبيها في حالها والنبي يا ماما الحجه..
زعقت فيها روحيه وقالت
طيب يا اختي انا اللي غلطانه اني عايزه اخلصلها من مرات عمك وعمك الجعانين ويلا اعملي اللي قولتلك عليه..
انا همشي يا شيماء وهبقي اجيلك تاني..
شيماء بدموع
ماشي يا حبيبتي وخلي بالك من نفسك...
ومشيت شهد وروحيه قالتلها پحده
انتي ازاي تطلعي اسرار بيتنا بره ازاي تحكي لاختك علي اسلوب حياتنا وعيشتنا يا بت انتي..
شيماء
وفيها ايه يا ماما الحجه انا بس بفضفض مع اختي بكلمتين..
روحيه بعصبيه
شيماء
يعني ايه الكلام ده انا لو عايزه امشي همشي ماحدش هيقدر يمنعني امشي من هنا..
روحيه
تبقي حكمتي علي نفسك بالڤضيحه واللي ما هعملهوش فيكي انا وقتها هيعملوه اهل الحته انا مش بحب اكرر كلامي مرتين تحطي عقلك في راسك وتحمدي ربنا علي العيشه اللي غيرك بيتمني ربعها يلا اجهزي كده عايز ابني يجي يلاقيكي منوره واياكي تنكدي عليه ولا تقوليله حاجه من اللي بيحصل بينا ده..
شيماء
اروح لمين بس يا ربي دي وليه مريضه ومش طبيعيه..
_ ووبعد كام شهر في بيت عم شيماء كانت شهد قاعده في اوضتها ودخلت عندها نعمه وقالت...
نعمه
عامله ايه يا شهد يا حبيبتي..
شهد بقلق
انا كويسه الحمد لله يا مرات عمي هو في حاجه انا والله خلصت كل الحاجات اللي ورايا..
يا بت انا جايه اطمن عليكي عادي والله..
وقعدت جنبيها علي السرير وقالت
المهم قوليلي شيماء لما كنتي عند اختك النهارده ما قالتلكيش انها حامل او انها حاسه انعا تعبانه..
نعمه
لا يا مرات عمي هي ما قالتش ليا حاجه زي كده خالص والله...
نعمه
امممم طيب يا اختي ما اديتكيش فلوس او حاجه كده دهب مثلا تشليها معاكي قوليلي انا زي امك برضو....
لا والله العظيم ما اديتنيش حاجه ده انا حتي كنت لسه قاعده معاها وبنتكلم دخلت حماتها علينا وخلتني امشي عشان احمد جوزها كان جاي من الشغل..
نعمه
امم انا قولت برضو روحيه مش هتخلينا ناخد حاجه من وراها ابدا المهم قومي جهزي الاكل لعمك زمانه جاي من بره...
شهد
ما انا مجهزه الاكل وعامله كل حاجه مش ناقص بس غير تسخنيله..
نعمه پحده
وانتي لازمتك ايه وبعدين مستتقله اووي تجهزي الاكل لعمك هو مين يا بت اللي بياكلك وبيشربك مش هو..
شهد بدموع
حاضر يا مرات عمي هقوم اهو والله اعملك اللي تطلبيه..
_ وقامت فعلا تسخن الاكل وجه عمها وكانت قاعد مع نعمه مراته وقالها..
عادل
يعني ايه طيب ما تروحي وتاخدي البت وتوديها لدكتور عارفه لو البت شيماء خلفت بسرعه هتبقي الكل في الكل هناك واحنا هنا هنتدلع..
نعمه
ولو ما خلفتش هتترمي عندنا جنب اختها ونرجع نمد ايدنا عشان نقدر ناكل عيش وفول باقي الشهر مش كده.....
عادل
ما انا عشان كده يا وليه بقولك خدي البت وخليها تروح للدكتور
