جبروت حماتي _ الاخيره
اننا لمناكم من الشارع والا كان زمان كلاب السكك نهشتكم..
شيماء
ما علينا مش وقته الكلام ده نعم يا مرات عمي جايه عايزه مني ايه لو مستنيه تاخدي مني فلوس ما تحلميش لان كل قرش معايا ام اربعه واربعين اللي بره دي تعرف بيه...
نعمه
يا اختي الحجه روحيه مديانا اللي يكفينا كل شهر تعالي بس قومي هنروح لدكتور...
شيماء
نعمه
وانا مالي يا اختي بوشك ولا قفاكي انا هاخدك ونروح نشوف موضوع الخلفه ده..
شيماء
خلفة ايه ده انا ما بقاش ليا كام شهر متجوزه يا مرات عمي..
نعمه
نطمن يا حبيبتي عشان لو كانت في مشكله نقدر نعالجها بسرعه..
شيماء
طيب والست اللي بره دي هنطلع منها ازاي..
ما تقولي لجوزك. يا اختي وهو يتصرف..
شيماء
قلبك ابيض يا مرات اقول لمين ده ماشي بكلمة امه والمهم الست اللي بره دي توافق...
نعمه
طيب البسي انتي وتعالي معايا وانا هتصرف..
_ وفعلا لبست شيماء وطلعو وكانت روحيه قاعده بتشرب قهوه قدام التلفزيون والشغاله قاعده جنبيها علي الارض...
نعمه
وشك ولا القمر يا حجه روحيه..
عقلتي بنت سلفك ولا لا يا نعمه..
نعمه
والله قولتلها تسمع كلامك وانك زي امها برضو وهي خلاص مش هتقولك علي حاجه تاني لا ابدا ولا ايه يا شيماء..
شيماء بضيق
ان شاء الله يا مرات عمي...
روحيه
وانتي بقي وخداها ورايحه علي فين يا نعمه..
نعمه
تزور قبر ابوها وامها واخليها تزور سيدنا الحسين عشان ربنا يهديها وما تخربش بيتها بأيدها..
وعشان كلامك وانك بتفكري في مصلحة مرات ابني امسكي يا نعمه الفلوس دي خليها معاكي ولو شاورت علي حاجه وهي بره تجبيها ليها بس ما تديهاش فلوس في ايدها..
اخدت نعمه الفلوس وقالت
من يد ما نعدمها يا ست الناس ربنا يباركلنا فيكي ويطولنا في عمرك..
شيماء بضيق وصوت واطي
يارب ما تسمع منها ولا تطول في عمرها ده كده عمري انا اللي هيقصر..
بتبرطمي تقولي ايه يا بت انتي..
نعمه
ما بتقولش دي بس بتستعجلني عايزه تروح وتيجي بسرعه قبل جوزها ما يرجع عشان يلاقيها في البيت..
روحيه
لا واضح انها عقلت روحو وما تخليهاش تتاخر..
_ وراحت نعمه وشيماء للدكتوره اللي كشفت علي شيماء وبعدين قعدت قدامهم وقالت..
الدكتوره
هو بعد الكشف والتحليل اللي قدامي دي اقدر اقولك يا مدام شيماء انتي مستحيل تخلفي..
انتي بتقولي ايه يا دكتوره ازاي يعني مستحيل اخلف بس..
الدكتوره
في عيب خلقي في الرحم مش هيقدر الرحم بتاعك يستقبل اي جنين للاسف..
نعمه.
طيب يعني با دكتوره ما فيش اي حل انها تخلف تتعالج تعنل عمليه احنا مستعدين ندفع من جينيه لمليون..
الدكتوره
بصو هو ما فيش اي عملين تقدر تغير العيب ده بس هي ممكن تمشي علي العلاج ده ومع الوقت ممكن حاجات تتغير ونشوف حل..
نعمه
طيب هو الوقت ده اد ايه يا دكتور شهر شهرين مثلا..
الدكتوره
شهر شهرين ايه بس يا حجه ده فوق الخمسه او ست سنين..
وقفت شيماء وقالت
شكرا يا دكتوره كتير خيرك تعبناكي معانا..
الدكتوره
ده واجبي يا حبيبتي وما تزعليش دي ارادة ربنا هو اللي بيرزق بالبنت وبالولد وهو اللي ليه حكمه في عدم الخلفه برضو..
مسمت شيماء دموعها وقالت
الحمد لله علي كل حال..
_ ورجعو البيت وشيماء كانت هاديه جدا ونعمه زعقت فيها وقالت..
نعمه
يا برودك يا بت ده انا قولت هتدخلي اوضتك تقطعي نفسك من العياط..
شيماء
ليه يعني هو انا ايوه زعلت وكل حاجه بس دي ارادة ربنا ويمكن دي جات سبب عشان ما اتربطش بالبيت ده اكتر من كده.
نعمه
لا هتتربطي سيبك من كلام الدكاتره احنا نروح لشيخ يعملك عمل او اي حاجه
