الجميله والكاذب_بقلم رحاب القاضي_

: مانا اهو بقولك جاي اخطبك وقدامي سنه واتخرج هنعملها خطوبه ونتعرف..

حاولت جميله متبينش كسوفها قدامه وردت عليه _
: انت برضو تعرفني منين ولا تعرف اي عني عشان تاخد قرار انك تخطبني يعني؟..

معتز بغيظ_
: لا انا اتاكدت انك بنت عم مالك نفس الغباء..

جميله بحده ـ
: انت هترد عليا ولا امشي؟..

معتز بغيظ_
: ي وليه مانا بقولك هاجي اخطبك وهناخد سنه مخطوبين هنتعرف ع بعض فيها..

جميله _
: بس برضو انت متعرفنيش كويس عشان تاخد خطوه زي دي، مش عشان خبطنا فبعض صدفه وطلعت بنت عم صاحبك يبقي كده تعرفني وتاخد خطوه تقيله زي دي..

معتز بجديه_
: مع كامل احترامي لكلامك بس انا عرفت عنك اللي لازم اعرفه بتدرسي فاي واهلك نظامهم اي مكتفتش بسؤالي لمالك انا سالت بنفسي، انما بقي حتت اني اعرفك كويس انا راجل ابويا وامي فلاحين وناس دُغري لا ليها فاللف ولا الدوران ومحسوبك زيهم فلما هفكر اتعرف ع وحده هيبقي فالنور، وخصوصا لو الوحده دي قلبي ارتاحلها فالكام مره اللي شوفتهم فيها، والعين بقيت تشتهي اللقي بيها...

اتكسفت اووي منه،وبدأ قلبها يدق جامد،وقالتله _
: بعد اذنك انا اتأخرت ع محاضراتي..

معتز بخوف_
: طيب انتي موافقه طيب مبدئيًا..

بصتله وقالت بجديه _

: اكيد مش هقولك موافقه ولا لا وانا واقفه قدامك كده، لان زي محضرتك عرفت عني اللي لازم تعرفه قبل متيجي تخطبني انا كمان لازم اعرف عنك اللي لازم اعرفه لما تيجي تقابل بابا ووقتها ردي هيوصلك مع بابا..

«قالت كلامها ده وسابته ومشيت راحت محاضراتها،فوقف هو يبصلها وهو فرحان وبعدين راح لمالك عند المسرح واول ما دخل لقي مالك بيجري ووراه المخرج وهو بيشتمه»..

مالك بخوف شديد وهو بيشد معتز معاه لبره وقال _
: اجري بسرعه هينفخني..

جري معاه معتز وهو مش فاهم حاجه وقاله بحده_
ابو معرفت اهلك السودا ي شيخ، احنا بنجري لي؟..

رد عليه مالك وهو بينهد جامد وبيجري_
: معجبوش السيناريو اللي بقالي اسبوع بكتب فيه..

«وقف معتز وبطل جري هو ومالك بعد ما لعدو عن المخرج اللي كان بيجري وراهم»

معتز وهو بينهت جامد_
: ماله السيناريو انت هببت اي فيه المره دي؟..

مالك بخوف وهو بيبص حواليه _
: ولا حاجه عملتله حاجه جديده كتبتله قصة مسلسل لن اعيش فجلباب ابي...

معتز بغيظ_
: ي اغبي ما رأت عيني هو لما قالك اعمل حاجه جديده قصده حاجه من تاليفك وبعدين لن اعيش فجلياب ابي معمول بقاله اربع سنين انت بتفهم ازاي؟...

مالك بحده_
: طيب يفهمني بالراحه وبعدين انا فالاربع سنين دول سمعت فيهم لن اعيش فجلباب ابي سبع مرات، طيب اراهنك ان اللي كتب المسلسل ميكونش كتب التفاصيل اللي كتبتها، ده انا وصفت فرح سنيه وبهيره بالظبط..

تنهد معتز بنفاذ صبر وقال_
: اسمع ياه انا كنت جايلك عشان تاخدلي معاد من عمك هقابله واطلب منه ايد جميله ولو وافق هنزل البلد يومين واجيب اهلي واجي نعمل خطوبه وبعد الكليه اتجوزها...

مالك بجديه_
حيلك حيلك، الاهم من كل ده  انت متاكد انك عايز تتجوز جميله؟...

اتغاظ معتز ورد عليه بسخريه _
ًا: لا مش متاكد اصلها اوزعه شويه وخايف تبوظلنا نسل العيله..

مالك بحزن_
: بومه البت دي اقسم بالله شوفت حلوه وجميله ازاي بس ال150 سنتي وقفو حالها..

شده معتز من هدومه بغضب وقاله بحده _