الجميله والكاذب_بقلم رحاب القاضي_

يعم افهم هي عندها سبع سنين وانا قدامي سنه واخلص هندسه وسنه جيش هتبقي هي تسع سنين وعندك بقي خمس سنين اجهز للمشروع اللي نفسي فيه يبقي هي عندها  اربعتاشر سنه،وسنتين  عشان المشروع ينجح تبقي هي ستاشر سنه، وعندك سنه شقه، علي سنه احوش تمن الشبكه، علي سنه افرش الشقه ع تلات سنين خطوبه ونعرف بعض كويس تبقي هي خلصت كليتها واتجهزت وحلوه وفله عليا..

معتز وهو بيقوم من قدامه _
: كان يوم اسود يوم معرفتك ي داهيه تاخدك ي بعيد..

مالك بحزن_
: حقك تقول كده مانت ابوك هيمسكك الارض والاطيان والبهايم بتاعته..

معتز بغضب_
بطل قر عليا يخربيت ابوك،وبعدين انا مش همسك حاجه انا هعيش هنا مليش دعوه بالبلد..

جالهم عبده وقال وهو فرحان_
: ي شباب ابسطو روحت شحت طبق باميه وشوية رز وربع فرخه من عند الحجه حسنه اللي ساكنه قصادنا..

مالك بـ فرحه_
: بنص ياد ي عبده..

معتز بغضب _
: فضحتوني فالعماره ي عرر ي حوش ي لمامة الشوارع..

ــــــــــــــــــــــــــــــــــــــــــــــــــــــــ 
«تاني يوم قدام ملية التجاره،وقف معتز وكان مستني جميله،بس اتاخرت اووي وهو قلق لتكون مش جايه وفضل يبص في ساهة ايده،وبعدين شافها وهي داخله الجامعه بسرعه وشويه كمان وهتجري»..

قال لنقسه بسخريه وهو رايحلها _
: اي العيله اللي كلها بتتاخر ع مواعيدها دي..

وقف قدامها وقالها بهدوء_
: صباح الخير..

جميله بقلق_
: نعم؟!..

معتز _
: طيب ردي الصباح الاول هو انا جاي اشحت منك..

جميله_
: انت صاحب مالك صح؟؟..

معتز _
: للاسف ايوه..

معتز بهدوء_
: سوري اني وقفتك كده بس كنت حابب اقولك حاجه..

جميله بقلق_
: مالك كويس، اوعي يكون حصله حاجه؟..

معتز بغيظ_
: مالك كالقرد عمال يلف ورا المخرج فالمسرح، وبعدين انا لاول مره فحياتي اوقف بنت بالشكل ده يبقي عشان مالك يبقي عيب والله عليا..

جميله _
: اومال خير حضرتك عايز اي؟..

رد عليها معتز بثقه _
: معاكي معتز راشيد العدوي من محافظة الشرقيه، قرية العداويه، بدرس فسنه رابعه هندسه وفاضلي سنه واتخرج..

جميله ببرود _
: اهلا وسهلا..

جات جميله تمشي،فاتغاظ هو من طريقتها وقال_
: استني ي حجه، هو انا مش بتكلم متقفي تسمعيني ده انتي زي ابن عمك اووي..

ردت عليه جميله بضيق_
: مهو حضرتك عمال تحكي فحاجات مش مهمه بالنسبالي ومعطلاني عن المحاضره، وبعدين ماله ابن عمي هاا؟.

معتز بهدوء: احسن واحد ابن عمك ي ستي، بس انا كنت بقولك حاجات مش مهمه بالنسبالك عشان ناوي اطلب معاد من باباكي وهخطبك منه..

اتكسفت جميله واتوترت جدا وقالتله _
: تت تتخطب مين ي عم انت تعرفني اصلا؟..

ابتسم بهدوء ورد عليها _