باقي عائلة الحج متولي

كانت كريمة سعيدة بعائلة زوج ابنتها الجديد

العريس (نبيل ) : أنا يا عمي جاي أتقدم لبنتكم المصون وأتمنى حضرتك توافق

والد نبيل : نبيل ابني شاب ملتزم في شغله وعنده شركته وفلوسه

بهجت : إحنا مش بتوع فلوس. إحنا بنشتري راجل

كريمة : أيوه إحنا عيلة آخر همنا الفلوس

بهجت : أيوه وبنتنا من بيت شبع

والدة نبيل : واضح واضح ، ولاد الأصول بيبانوا

نبيل : أنا من رأيي نكتب الكتاب الاسبوع الجاي، ايه رأيك يا عمي

بهجت : أنت مستعجل أوي

نبيل : يا عمي أنا معنديش وقت للخروجات والفسح، 
وعاوز اتجوز ألفت عشان أركز في شغلي

ألفت معترضة : يعني ايه مش حنخرج ونتفسح

نبيل : أوعدك بعد الجواز حافضي نفسي ليكي

وافق بهجت وكريمة حتي ألفت كانت سعيدة بعريسها الجديد واخذته النادي ليراه أصدقائها وهم يحملون كل مشاعر الغيرة اتجاهها وأولهم مروة

مروة : صبرتي ونولتي ،لا وشكل العريس مريش وحيدلعك

ألفت : ده قر ولا ايه يا مروة

مروة بغيظ : ولا قر ولا حاجة ربنا يهني سعيد بسعيدة

ألفت : لا قولي ربنا يهني نبيل ب ألفت

تم عقد القران ودفع نبيل نص مليون جنيه مهر ل ألفت ،وفرح بهجت وكريمة بالمهر والشبكة وعائلة العريس.

مرت أيام وذهب بهجت مع كريمة و ألفت إلى أحد محلات المجوهرات لشراء عقد جديد ل ألفت ومعهم فلوس المهر. وبعد إختيار ألفت لأحد القطع الثمينة قام بهجت بالدفع

أخذ الصائغ المال  وذهب دقائق

بهجت : مش فاهم إيه لازمة كل المجوهرات دي .ما عندها بتاع متولي، ونبيل كمان جايب ليكي شبكة في ايدك أهي أحلى من كل مجوهرات المحل

كريمة : أنت عاوز بنتك تدخل العيلة بالشبكة بس. عاوز تعرها

بهجت : ما تاخد دهب متولي معاها

ألفت : وفيها ايه يا بابا لما اشتري العقد ده وخصوصا انه عاجبني

بهجت : كنت في خروجة مع خطيبك تجيبيه على هنا وتقولي ليه الكلمتين دول كان اشتراه ليكي وإحنا ما غرمناش ولا مليم زي ما كنتي بتعملي مع متولي

كريمة :ما تسيبها تفرح وتصرف مش مهرها، فيها ايه دي

بهجت : مفيش بس مش عاوزين نصرف القرشين بسرعة كده

ألفت : ما تخافش يا بابي بكره نبيل يجيب ليا كل اللي نفسي فيه

رجع الصائغ وعلي وجهه علامات حيرة وڠضب

الصائغ : هو حضرتك جاي تهزر معانا ولا قصدك تستغفلنا

بهجت پغضب : أنت اټجننت يا ولد. إزاي تتكلم معايا بالاسلوب ده .أنت مش عارف انا مين

الصائغ : والله الفلوس دي بتقول إنك حرامي أو نصاب

كريمة : أخرس. ده بهجت بيه وكيل وزارة سابق

الصائغ : ووكيل الوزارة السابق معاه فلوس مزيفة بيعمل بيها إيه

كانت الصدمة تعلو وجوه الثلاثة مع صمت طويل يقطعه بهجت

بهجت : مزيفة ازاي .ده مهر بنتي

الصائغ : والله أنا ماليش دعوة ده مهر مين، أنا ليا ان دي فلوس مزورة، فحضرتك تاخدها من قصيرها وتمشي بدل ما أبلغ البوليس

أخذ بهجت المال وخرج وعلى وجهه هو وزوجته وابنته علامات الحيرة والدهشة

كريمة : ايه الموضوع يا بهجت معقول يكون جوز بنتك مزور

بهجت : ايه الكلام ده يا كريمة وايه اللي يخليه يعمل كده طيب

كريمة : أنا عارفة ابعت هاته نشوف فيه إيه

قام بهجت بالإتصال ب نبيل ووجد الهاتف خارج نطاق الخدمة

واختفي نبيل
انتظروا الجزء الثاني غدا لمعرفة هوية نبيل الحقيقية

#عائلة_الحاج_متولي