باقي عائلة الحج متولي

المشهد الناقص من مسلسل #عائلة_الحاج_متولي

كانت ألفت تبحث عن صيد جديد يعوضها خسارتها مع الحاج متولي وكانت علي ميعاد مع مروة في النادي .وصلت ألفت لتجد مروة في انتظارها

ألفت : هاي مروة اتأخرتي عليكي

مروة : ايه ده يا ألفت انا بقالي ساعة مستنياكي

ألفت : مفيش كنت مع مامي بنشتري شوية حاجات

مروة : بمناسبة الشړا مش امبارح قابلت سعيد ومراته وابنه في مول

ألفت : ايه ده وكانوا رايحين يعملوا ايه، اكيد يبيعوا حاجة عشان ياكلوا بيها بعد ما فلسوا

مروة : فلسوا ايه! ده أنا قابلته في محل لبس أطفال وكان شاري لأبنه شيء وشويات

ألفت : غريبة وجابوا الفلوس منين

مروة : مش عارفة يا ألفت بس قلبي بيقولي أن موضوع إفلاس الحاج ده كان لعبة منه

ألفت : وايه اللي يخلي مېتو يعمل كده معايا

مروة : عشان لما تتطلقي ما تاخديش المؤخر طبعا

ألفت : لا لا ده كان بيتكلم جد وخد دهب مراتاته قصادي ... كمان لو كان كده ما كانش حيسيبني أخرج بالدهب والألماظ دول أغلى بكتير من المؤخر

مروة : والله أنا قولت اللي عندي، بس انا متأكدة أنهم لا فلسوا ولا حاجة

لم تهتم ألفت لكلام مروة واستمرت في بحثها عن ضحېة جديدة لطمعها. ووجده بهجت وجاء فرحا لإبلاغ زوجته و ألفت

بهجت يدخل البيت : انتي فين يا كريمة ..ألفت حبيبة بابا تعالوا عندي ليكوا خبر بمليون جنيه

جاءت كريمة و ألفت متحمسين

كريمة : خير إيه الزيطة اللي عاملها من ساعة دخولك دي

بهجت متعجب : زيطة . الحق عليا ده أنا جايب ليكم خبر حيفرحكم

كريمة : نفسي في خبر يفرحني، إلا كل أخبارك منكدة عليا من ساعة الجوازة السودا دي

بهجت : ما خلاص جه اللي حيعوضنا كل ده ويعيشنا العيشة الكلاس ..فوق فوق فوق

ألفت : مين ده يا بابا

بهجت : رجل أعمال بس بجد، مش زي بتاع القماش اللي قبلنا نحط أيدينا في أيده

كريمة : وده شفته فين ده يا خويا

بهجت : أنا كنت في النادي وبعدين دخلت الجيم جالي هناك وفاتحني

ألفت : وبعدين

بهجت : عرفته بنفسي طبعا

كريمة : انت حتنقطنا بالكلام ، ما تقول علي طول

بهجت : مفيش قالي انه شاف ألفت كذا مرة وأنه معجب بيها وعاوز يتجوزها وأنه مستعد يدفع مهر نص مليون جنيه عشان خاطر عيون ألفت حبيبتي

كريمة : أنت بتتكلم جد

بهجت : آمال حاهزر يا كريمة

ألفت : وده شكله إيه يا بابا

بهجت : قيمة وسيما ،شاب زي الفل بكره تشوفيه أنا عزمته علي الغدا

فرحت ألفت أنها وجدت صيد جديد وبالتأكيد حيعوض زواجها من متولي

جاء العريس وكان شاب وسيم ويتكلم بلباقة تدل على تعليم عالي ومعه أسرته ويركبون أغلي السيارات ويرتدون أغلي الحلي والمجوهرات