مرات ابويا طفشو مني خطيبي وعملت؟
شاطر وبتسمع الكلام
ضحك عمر وفضلو يضحكووسما قالت ليه علي ان باباها اتجوز وتاني يوم راحت عندهم ام عمر اللي تبقي اخت خلف
ام عمر
عامله ايه يا سما يا بنتي
سما
كويسه يا عمتو كويس انك جيتي انتي كنتي وحشاني اووي
ثريا
نورتينا يا يا ام عمر سي خلف نزل وشويه وجاي
ام عمر
يجي براحته يا حبيبتي هو كل يوم بيجي يطمن عليا اكمن ابني عمر في الجيش واخوه مسافر السعوديه هو مراته بيشتغل انا جيت بس اطمن علي سما
اممم ربنا يرجعهم ليكي بالسلامه انا كنت فاكره انك جايه تباركي علي الجوازه..
ام عمر
الف مبروك طبعا يا حبيبتي مش هوصيكي علي سما تبقي بنتك التالته
ثريا
من غير ما تقولي يا حبيبتي بعد اذنك هشوف البنات
دخلت ثريا عند بناتها وقالت لهدير بنتها
انتي يا بت انتي قاعده كده ليه قومي سلمي علي الوليه اللي بره دي
هي كانت من باقي اهلي عشان اسلم عليها
علا
انا هطلع اسلم عليها يا ماما
ثريا
لاا انا عايزه هدير اللي تروح تسلم عليها دي لما تشوف هدير حلوه هتجيب ليها عرسان كتير..
هدير
بس انا مش عايزه عرسان ومش هسلم علي حد
ثريا
ماشي يا هدير اما نشوف اخرتها تعالي شوفي سما بره بتعمل ايه معاها واهي اصغر منكم وهتتجوز قبلكم
لا وكمان بتدرس في كليه واحنا كل واحده فينا واخده دبلوم
ثريا
ما انا ياما كنت بقول ليكم ذاكرو لحد ما لساني نشف
هدير پحقد قالت
طيب وانتي ليه تخليها تكمل الجامعه وتبقي احسن مننا
ثريا
وانا اخليها ما تروحش الجامعه ازاي يا اختي..
هدير
انا هقولك ازاي يا ماما
_بعد كام يوم كانت سما راجعه من الجامعه ولقيت مرات ابوها وبناتها قاعدين في الصاله بيتفرجو علي التلفزيون والصاله متكركبه خالص
ايه ده هو احنا كان عندنا ضيوف ولا ايه
علا
لا ما كانش عندنا حد
سما
اومال ايه الكركبه دي
ثريا
عادي تعبنا من شغل البيت وما حدش قدر ينضف الصاله
سما
طيب انا داخله انام عشان تعبت من الموصلات
هدير
لا يا حلوه روقي البيت الاول وبعدين ادخلي نامي احنا مش الشغالين اللي جابهم ليكي ابوكي
سما
انتي بتتكلمي كده ليه يا بت انتي ما تحترمي نفسك
انا بنتي محترمه وتتكلم براحتها انتي فاهمه ولا لا
سما
وانا ما حدش يتكلم معايا كده انتو فاهمين
دخل في الوقت ده خلف اللي كان راجع من بره وقلق لما شافهم پيتخانقو وقال
خلف
في ايه يا جماعه صوتكم عالي ليه
ثريا
تعالي شوف بنتك اللي فاكره انك جايبنا هنا عشان نشتغل عندها
خلف
كلام ايه ده يا سما مزعله امك ثريا منك ليه
اولا يا بابا ما تقولش عليها امي عشان انا ليا ام واحده وراحت ومراتك وبناتها هما اللي غلطو فيا الاول
هدير
والله يا عمي خلف ما حصل ده بس امي بتقولها روقي البيت راحت زعقت فيها
سما
انا ما زعقتش انا قولت تعبانه عشان الموصلات كتير وانت عارف يا بابا بتعب ازاي وبكره ان
