مرات ابويا طفشو مني خطيبي وعملت؟

_مرات ابويا طفشت مني خطيبي١
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وتعالو نتعرف علي بطلتنا النهارده واللي اسمها سما وعمرها اتنين وعشرين سنه جميله اووي وهاديه وفي يوم بعد ما مامتها راحت بشهرين لقيت خلف بابا داخل البيت ومعاه ست وبنتين..

سماا
حمد لله علي سلامتك يا بابا انت جايب ضيوف معاك ولا ايه..
خلف 
لا يا حبيبتي دول مش ضيوف دي ثريا مراتي ودي هدير وعلا بناتها.
سما
انت اتجوزت يا بابا..
ثريا
عندك مشكله يا حبيبتي ولا ايه
الدموع ملت عيون سما وردت عليها وقالت
لا ابدا براحتكم انا هدخل اوضتي بعد اذنكم
ثريا
شايف بنتك يا خلف استقبلتنا ازاي دي يا اخويا عامله كاننا داخلين هم علي قلبها
خلف
ما تقوليش كده يا ثريا الحق عليا انا عشان ما قولتلهاش الاول
ثريا
خلاص حصل خير هما بناتي هينامو فين
خلف 
عامل ليهم اوضه وفيها سريرين هيقعدو فيها..
هدير بصوت واطي لاختها علا
بقي انا وانتي لينا اوضه واحده والهانم بنته ليها اوضه لوحدها
علا
نعمل ايه طيب مش ده اختيار امك
هدير
اصبري بس عليا ان ما خليتك انتي تقعدي في اوضه وانا اقعد في اوضه..
علا
وهي هتروح تقعد فين هنرميها في الشارع..
هدير
هي ونصيبها..
_بعد شويه طلعت سما من اوضتها ولقيت علا قاعده قدام التلفزيون
سما
معلش بس انا عايزه اسمع المسلسل
علا
وانا بسمع الفيلم خلي المسلسل بتاعك اسمعيه في الاعاده
سما
بيتعاد وانا في الجامعه معلش بس هسمعه وهسيب ليكي التلفزيون خالص
قامت علا دخلت اوضتها وهي مدايقه وسالتها هدير وقالت
هدير
مالك يا بت انتي مش قولتي رايحه تتفرجي علي التلفزيون
علا
الست سما جات قومتني عشان تسمع المسلسل
هدير
وانتي ازاي تسمعي كلامها وتقومي
علا
اعمل ليها ايه يعني ده بيتها هي واحنا الاغراب هنا
قامت هدير وقالت
لا مش بيتها ده بيتنا كلنا انا طالعه اتصرف مع ماما..
راحت هدير لمامتها وقالت ليها وهي مټعصبه
هدير
يعني هو ايه اللي بيحصل ده يا ماما
ثريا
ايه يا هدير في ايه..
هدير
عايزبن نحضر فيلم انا وعلا وجات الهانم بنت جوزك قومتنا من قدام التلفزيون
ثريا
البت دي انا مش طيقاها اصلا اصبرو بس عليا كام يوم وانا هعرف ازاي اخليها تمشي علي عجين ما تلخبطوش..
هدير
ماشي يا ماما اما نشوف..
خلصت سما المسلسل بتاعها وقفلت التلفزيون ودخلت اوضتها وموبيلها رن وكان عمر خطيبها ردت عليه سما بسرعه وقالت
سما
الو ازيك يا عمر
عمر
انا الحمد لله يا حبيبتي معلش ما عرفتش اكلمك اليومين اللي عدو بس انتي عارفه بقي الجيش بيكون صعب ازاي
سما
عادي يا عمر ولا يهمك المهم انك تبقي بخير فاضل عشر ايام وتنزل اجازه
ضحك عمر وقال ليها
هههه من غير ما تقولي عارف اول ما انزل اعدي عليكي اشوفك قبل ما اروح البيت
سما 
شاطر