بسبب عشره كيلو لحمه طفشت من بيت ابويا يوم فرحي

اخويا بسرعه بس..
وطلع فتحي موبيله وكلم يوسف اللي رد عليه وقال..
يوسف
ايوه يا عمي انا معاك خير في حاجه ولا ايه..
فتحي
بقولك يا ابني احنا كنا متفقين علي عشرين كيلو لحمه لقيتك باعتلي مع عيل صغير عشره كيلو بس..
يوسف
معلش يا عمي بس انا مش هقدر اجيب غير دول دلوقتي..
فتحي بقلق
طيب يا ابني ما قولتش ليه من الاول انا ما كنتش عزمت ناس كتير زي ما عملت..
يوسف
طيب بص يا عم فتحي اقفل وانا وبجيب البدله هعدي عليك..
فتحي
ماشي يا ابني انا مستنيك اهو هخلي الطباخ يبدأ في الاكل لحد ما انت تيجي..
يوسف
ماشي يا عمي علي خيرة الله مع السلامه...
وقفل فتحي مع يوسف ومراته فاطمه كانت قلقانه اووي وسألته وقالت..
فاطمه
خير يا اخويا قالك ايه بالظبط ريحلي قلبي..
فتحي
قالي انه هيعدي عليا وهو رايح يجيب البلدله واكيد هيجيب باقي اللحمه معاه..
الطباخ
يعني ابدأ انا الطبيخ يا استاذ فتحي ولا ما ابدأش..
فتحي
يا عم ابدأ ان شاء الله هتعدي مستوره..
فاطمه 
طيب وكان عليهم ايه من الاول في الكلام الفاضي ده. بس الحركات دي ما تطلعش غير من اخته وامه..
فتحي
يا وليه خلاص بقي. بلاش نقف علي الواحده...
وقبل ما ترد عليه فاطمه طلعت عبير من اوضتها وقالت..
عبير
مالكم بس يا ابو العريس وام العروسه ايه اللي معكنن مزاجهم....
فاطمه 
انتي يا بت ما روحتيش ليه الكوافير مع اختك انا لسه شايفه حسناء طالعه من الحمام وفكرتك انتي اللي روحتي معاها..
عبير بضيق
لا يا ماما هي قالت ان الكوافير مش بيرضو يدخلو غير واحده بس مع العروسه وهاله قالت هتاخد معاها حنان..
فاطمه 
يادي حنان وسنين حنان هي ساحره لاختكم..
فتحي
وبعدين بقي يا فاطمه بلاش بس نقف لبعض علي الواحده..
عبير
بابا معاه حق يا ماما احنا المهم عندنا ان هاله تكون مبسوطه وفرحانه..
فتحي
تسلمي يا عبير يا حبيبتي ربنا يكلملك بعقلك..
وفي بيت اهل يوسف كان قاعد هو وعلي جوز حنان اخته وجات مامته وقالت..
صفيه
بقولك ايه يا يوسف اللحمه دي مش كان المفروض تبعتها لبيت اهل جوزك..
يوسف
لا ما انا بعت عشره كيلو بس ودول خليهم في التلاجه لايام فرحي انا عريس ومحتاج اتغذي كويس..
صفيه
يا ابني غلط الكلام ده انت متفق مع الناس علي عشرين..
يوسف
خلاص بقي يا ماما انا كده مرتاح اكتر...
صفيه
يا ابني اللي يريحك بس بلاش تعمل مشاكل يوم الفرح ده بيبقي متعفرت لوحده...
يوسف زعق فيها
وبعدين طيب انا مش ناقص رغي يا ام يوسف..
علي
خلاص يا حماتي ادخلي جوه انتي وما حصلش حاجه اهو..
اتنهدت صفيه بضيق ودخلت جوه وعلي قرب من يوسف وقاله..
علي
بقولك ايه اوعي حماك يبستفك بكلمتين وترجع في كلامك وتديه اللي هو عايزه..
يوسف
لا ما تقلقش هما العشره كيلو ومش عاجبه يجيب لوحده انا هصرف عليهم ولا ايه..
علي 
جدع يا يوسف راجل ما تخليش حد يستكردك..
وبعد شويه راح يوسف بيت حماه وقعد معاه وقال..
يوسف
بقولك ايه
يا عمي انا مش فاضي اصلا وعندي الف حاحه هعملها انا بقولك اهو مش معايا اجيب لحمه غير اللي جيبتهالك..
فتحي
لا عندك بقي كنت قولتلي من الاول مش كفايه الفرح هيتعمل عندي وهو عليكم اصلا..
يوسف 
علي اساس يعني انت جيبت ايه في الفرح ما انا اللي دفعت مصاريف كل حاجه .
فتحي
ما حدش ضړبك علي ايدك بس ما تجيش تدبسني انا وتخلي شكلي وحش قدام الناس..
يوسف 
وانا ده اللي عندي وماليش دعوه باي حاجه تانيه..
فتحي
وانا ما حدش يلوي دراعي وشغل العيال ده ما ينغعنيش يا عبير كلمي اختك خليها تيجي من الكرافير وهنفضنا سيره من الجوازه دي..