بسبب عشره كيلو لحمه طفشت من بيت ابويا يوم فرحي

_بسبب عشره كيلو لحمه طفشت يوم فرحي 1
 
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وقبل ما نبدأ حكايتنا اعرفكم علي نفسي انا دكتوره سلوي فاكريني ولا لاانا الدكتوره النفسيه اللي بشتغل في مستشفي الامړاض العقليه..
المهم ان الحكايه اللي هحكيها ليكم النهارده حكاية بنت اسمها هاله وعندها تلاتين سنه من اسره بسيطه عايشه مع باباها ومامتها واخواتها البنات اللي اصغر منها بكام سنه.. وجات عندي المستشفي والكل اتهمها بانها مريضه نفسيه بس الحقيقه انها جات المستشفي بسبب وحده تانيه هي اللي مريضه نفسيه وطلعت عقدها كلها علي هاله..

والحكايه بدأت من تمن سنين يوم ما دخلت عند هاله اختها عبير وقالت وهي مدايقه جدا..
عبير
انتي طبعا قاعده مرتاحه هنا وبابا كان پيتخانق بره مع الراجل اللي جابلك منه السجاد..
هاله بكل برود ردت عليها وقالت
نعم يا عبير عايزه ايه انتي عايزاني اطلع اټخانق انا كمان مع الراجل ما كفايه ابوكي اللي فرج الناس كلها علينا...
عبير اتعصبت وقالت 
انتي ايه با بنتي ما فيش احساس خالص ينفع كده اللي انتي بتعمليه ده بقي بابا يتداين عشان يجيلك السجاد وانتي برضو اللي زعلانه..
هاله
انتي عايزه ايه دلوقتي يعني انا اللي بطلب حاجات وانتي اللي قاعده ساكته اومال الثانويه العامه اللي انتي واخده من ابوكي فلوس اد كده عشان خاطر الدروس بتاعتك دي تبقي ايه يا يت الحنينه..
عبير بحزن 
انا بجد مش صعبان عليا غير بابا وعلي فكره انا بكره بتعليمي ده هشتغل واساعد بابا في جهازي مش هقعد احط رجل علي رجل واطلب وهو يروح للكويس والۏحش عشان يجيبلك اللي نفسك وفي الاخر ما تقدريهوش..
هاله اتعصبت وقالت
والله العظيم يا عبير لو ما سكتيش لهروح لبابا واقوله علي كلامك ده وبعدين يا حبيبتي اما تجيبيلي حاجه من جيبك ابقي اتكلمي معايا..
عبير
انتي فعلا يا هاله الكلام معاكي خساره..
وقبل ما ترد عليها هاله دخلت حسناء اختهم اللي اصغر منهم وكانت مدايقه وقالت..
حسناء 
كفايه بقي انتي وهي بابا مدايق بره ومش طايق نفسه وانتو هنا بتتخانقو...
عبير بسخريه 
مش البركه في الست هاله اللي كل حاجه غلط بتحصل في حياتنا بسببها هي..
قامت هاله وقالت
انا بجد ما بقتش طايقه البيت وبقول امتي يخلص الاسبوع ده عشان اتجوز واروح بيت جوزي عند اهله الناس اللي هكون وسطهم مرتاحه...
ادايقو اخواتها جدا من كلامها وقالت عبير
يا حبيبتي لو كانو احسن مننا يارب يهنيكم ببعض احنا نتمنالك كل خير يا هاله...
هاله
انا ماشيه رايحه عند. حنان انتو بجد ټخنقو ده بدل ما تبقي الايام دي فرح واغاني