حما بنتي يوم دخلتها عمل فيها؟.. الحلقه الاولي

هنا تعالي يا حبيبتي خير في ايه انا كنت لسه هكلم ماما علشان اقولها ان احنا هنيجي النهارده بالليل
اميره 
معلش يا عمي انا كنت عايزه اتكلم معاك شويه قبل ما تيجي النهارده هو يوسف مش هنا صح
محمود 
ايوه يا بنتي نزل على الصيدليه بتاعته تعالي ادخلي
اميره 
انا مش جايه اسال حضرتك يوسف طلق كذا مره ليه دي حاجه تخص هو وانا مش عايزه اعرفها بس انا كنت عايزه اعرف هو جيت قدم ليا علشان خاطر هو بيحبني ولا علشان خاطر حضرتك اللي قولتله كده
محمود
هتفرق معاكي يا اميره انا عارف كويس قوي ان انت بتحبيه جدا وانا اللي جيت وكلمت مامتك علشان خاطر يوسف والحب يا بنتي بيجي بعد الجواز
اميره 
بس انا يا عمي مش عايزاه يطلقني زي ما طلق كل اللي كان متجوزهم فلازم الموضوع يكون على نور
محمود 
انا عارف ان انتي بنت شاطره وذكيه جدا وعمرك ما هتطلقي من يوسف بس عايزك تشغلي مخك معايا
اميره 
وانا عايزه اقولك مقابل ان انا اكون مراتي يوسف انا هكون من ايدك دي لايدك دي يا عمي
محمود
ما غلطتش لما قولت عليكي ان انتي بنت ذكيه جدا
وفي شقه شروق طليقه يوسف دخلت نسمه 
اختها وقالت
نسمه 
عرفت اللي حصل مش طايقك هيتجوز البنت اميره بنت بياعه الفول والطعميه
شروق 
ايه معقوله بسرعه قوي كده اكيد ابو هو اللي قاله لازم يتجوزها
نسمه 
طب انت ناويه تعمل ايه هتسكتي ولا تروحي تقولي ليه على الحقيقه وكلها البنت غلبانه جدا
شروق 
وانا مش قد ابوها ومش عايزه اي مشاكل هو حر وهي كمان حره يعني هي مش عارفه ان هو مطلق كذا مره
نسمه 
بس هي ما تعرفش اللي بيحصل في البيت ده ايه بالظبط يا بنتي حرام عليكي البنت غلبانه وامها كمان غلبانه
شروق 
انا وعدت اقول ان انا مش هتكلم في اي حاجه وما ليش دعوه باي حاجه وكفايه يا نسمه انا خرجت من الموضوع ده بخير وسلام سيبيني في حالي بقى
نسمه 
انتي حره بس انا مش هسكت
شروق 
عايزه اقولك لو انتس روحتي واتكلمتي في اي حاجه هقول ان انتي كدابه وانا معرفش 
اي حاجه عن الكلام اللي انتي بتقولي ده
نسمه 
معقوله هتطلعي اختك كدابه علشان خاطر خاېفه من محمود
شروق 
ايوه واعمل اكتر من كده كمان لو سمحت ما تدخلينيش في اي مشاكل وبعدها قامت 
ودخلت اوضتها وفي شقه اميره
اميره خرجت من الاوضه ولابسه فستان
اميره 
ايه رايك في الفستان يا ماما مش جميل قوي بذمتك صح هو انتي مالك يا ماما قاعده مكشره كده ليه
الام 
مش غريبه اللي ينزل ينقي معانا الحاجه ابو العريس مش العريس هو ايه ما كانش عايز الجوازه دي ولا ايه
اميره 
بقولك ايه يا ماما احنا كلنا عارفين ان يوسف بيتكسف من خياله ومش بيحب الحاجات دي وبعدين ما ابوه عمل كل حاجه وجابلي كل الحاجات اللي انا نفسي فيها
الام 
فكري كويس يا اميره الجواز مش سهل يا بنتي
اميره 
فكرت وقررت وحرام عليكي بقي خليني 
افرح شويه انتي اي پتخافي تفرحي
وفي شقه ناهد
ناهد
كويس ان انت جيت يا اسامه انا جبتلك البدله اللي هتحضر بيها فرح بنت خالتك خشي اسهب علشان لو فيها اي حاجه نلحق نوضبها قبل ميعاد الفرح
اسامه 
وانت مين قالك اصلا ان انا هحضر الفرح ده هو انا هيجيلي قلبي ان انا اشوفها مع واحد ثاني غيري
ناهد 
حرام عليك بقى يا واد انت وجعت قلبي معاك البنت مش بتحبك ومش عايزاك
اسامه 
هي حره في نفسها يا امي زي ما انا محر في نفسي وانا مش هحضر معاكوا الفرح ده
ناهد. 
طب ما تيجي يا حبيبي يمكن تعجبك اي عروسه وتوافق عليها بلاش ان انت بتعمله فيا ده
اسامه 
نفسي اعرف يوسف في ايه احسن مني انا كنت موافق بيها وانا عارف ان هي معهاش مؤهل ولا معاها اي حاجه وفي الاخر هي تعمل فيا كده
ناهد 
هي مش بتفكر الا في مصلحتها وبس وشايفه ان واحد عنده صيدليه مش لسه هيكون مستقبله زيك
اسامه 
انا کرهت الفلوس خلاص اللي خلت الناس كلها تفكر في مصلحتها وبس وبعدها دخل اوضه
ناهد 
منك لله يا اميره على اللي انتي عملتيه في ابني ده حرام عليكي وجه يوم الفرح
وفي القاعه
سنيه
بقولك ايه يا حاج محمود انا كنت عايزه مفتاح شقه يوسف علشان خاطر اروح اودي العشا